吳鈞洋師傅網站 www.ngkwunyeung.com.hk
元旦第二日即
(閱讀全文)
吳鈞洋師傅網站 www.ngkwunyeung.com.hk
好多時都聽過「福無雙至禍不單行」嘅喱句警世俗語，意思即係好嘢又唔見佢應驗咁快，但衰嘢就拿拿淋打孖嚟……你話唔係咩？早輪我先至觸機、觸咗支卦，卦像係：「雙十節百歲，雙棺雙風吹，雙木乘風成林去，文昌化忌日日衰……」當時仲諗：莫非亥月昌曲忌，仲有災難應玄機？唉！好嘅唔靈醜嘅靈，該煨……
大雪前一周、即係11月30日，天矇光4時左右，花園街近弼街東南路段又再發生大火……頭疊尾還末足年卻連燒兩鑊（上次嗰劑係2010年12月6日同樣寅時出事）。今趟仲係大大鑊嗰種添！事關今趟火災竟然攪出人命、死咗九個，傷咗幾拾、仲有幾人危殆……數百人無家可歸。唉！年尾流流搞單咁嘢。據聞和上次一樣係人為縱火，結果引發花園街幾拾個街邊檔被大火焚燬、並波及商舖和民居……分別在於上次冇搞出人命、今趟卻有而且大大鑊添！須知錢財係乃身外物、唯獨生命乃無價寶。
我上話過：「如果查明真係狂徒縱火，有理由將他列入恐怖分子之列。 若不加緊緝捕並予以嚴懲，恐怕難息民忿及慰藉亡魂！」今趟更加強烈地向三界申訴！
(閱讀全文)
吳鈞洋師傅網站 www.ngkwunyeung.com.hk
喱排好唔開心，首先係傳來偶像雞泡英不再吃人間米之噩耗，跟住政治偶像泰姐又宣佈話唔選特首……
冇錯，個世界真箇多災多難！所以話乜叉都講玄機，唔到你抝頸。今年五黃煞星飛東，明年則飛東南，東南為巽方、五行既屬花卉草木、天文亦即係風。每年中秋過後、來年煞氣例必循序漸進，換句話講、明年東南亞啲衰嘢依家已經陸續嚟緊喇！記得十月份嗰陣咪試過前後兩個風影響香港嘅， 首先係
吳鈞洋師傅網站 www.ngkwunyeung.com.hk
國慶前夕遇上「九一八」八十周年，湊啱幾個老友得閑，於是聚埋一齊食晚飯，一則算係賀國慶，另一則係紀念國難，第三係為老而不開恆指追悼會，好讓佢哭股喪、發洩發洩。
「流年五黃飛正東嘅氣未走白露二五已經煞曜南離，寒露未到氣先充斥北方……咁樣一嚟個世界邊有好日子過？遲啲來歲五黃早降東南，到時全盤煞會串連……睇下個乾坤將會衰成點！」老而不條友可能手上仲有好多貨未止蝕，所以對住空氣發牢騷，我笑著潤佢：「要唔要學屈原咁唱離騷、跳楚舞……仲記唔記得早幾年你有首揸兜歌幾好聽架！」，老而不聞後苦笑：「你話李商隱睇住隻蟬響樹上疴尿而吟嗰首（寒有懷）？點會唔記得呀……」於是乎吚吚哦哦唱出：「無底深潭餵極難飽，輸干輸淨費事出聲，五更心碎想死了斷，恨碧眼害人冇陰功，魂飛魄散有排唔定，故園賤售平倉止蝕，望君以後時予警醒，我E家乜卵都冇清……」，引得成班人哄堂大笑，我笑道：「呢首詞早被後人笑話為無病呻吟，再畀你條剝咀改一改更加變得猥瑣不堪……」，呢個時候經紀陳也興奮起嚟數白欖咁搭腔落去：「依家過秋分，即係好快有銀分，分幾多？6000蚊。之不過付出代價幾驚人！事關最近股暴跌，樓市斷估難甩身、難甩身……」
(閱讀全文)吳鈞洋師傅網站 www.ngkwunyeung.com.hk
我最近被踢咗入會，梗係唔係黑社會啦！入咗嘅社團好正氣添，佢叫：「抵抗惡勢力入侵玄學界」有人可能會問：「匿個究竟屬於邊一類社團？」，若然詳細解答呢個文題睇怕頗哂篇幅，咁我就借用新玄機【玄圈八一八】裏面有關文字作為解釋：「某個有宗教背景嘅團體成立咗一個玄術會，自籌備以來，一直備受爭議。好些曾被邀的師傅，在一兩次聚會後已「知難而退」。有些已繳費入會者，在該會去年重頭戲——風水展時已是一肚子氣。及至本年六、七月，事情更加白熱化。有任職者被辭退。有中堅份子倒戈。有師傅發文要討回公道。有師傅在Facebook被人圍攻。有在Facebook成立群組追蹤事情。有登報表示退出。有登報聲稱財務健全，可退回會費。有傳媒介入。有師傅報警。有師傅開記者招待會講述事情。有師傅發律師信。有師傅收發律師信。有退會師傅上門收不到會費……總之劇情不斷進展，令局外人眼花繚亂……」
(閱讀全文)
吳鈞洋師傅網站 www.ngkwunyeung.com.hk
(轉載自"kuangheng blog"「况恒的博客」http://www.kuangheng.me/?m=201003) 作者: admin 日期: 2010年03月4日
以下信息转载自分享家.
胡海峰—-中国清华同方威视股份有限公司总裁,清华大学经济管理学院第一届EMBA(◆主席的儿子)
胡海清—-清华大学本科，上海中国欧洲国际商业学院MBA，是一个名副其实的才女，胡海清与中国最大门户网站新浪网前执行长茅道临结婚(1970,◆主席的女儿)。
吳鈞洋師傅網站 www.ngkwunyeung.com.hk
好耐冇嘢上身矣，早幾日有親戚到訪、可能磁塲啱key卦，失驚無神係咁連打兩個冷顫，自然要去尿尿，之後好似又觸倒機……深圳大運會和剋仔強刻意到港大搞嘢兩者應該相關連，係上頭有意將文昌化忌所誘發嘅天怒民怨加埋自然災害……冚扮爛一鑊過推往東南方，好似將垃圾推往堆填區一樣。大部分送去大運會希望藉學生之運動而將之動散，部分則由剋仔強帶落特區畀香港大學，等啲「反動分子」匯集境外「反華勢力」……一古魯兒由得佢動夠、亂夠……總之越亂越好！係咁簡單？梗係唔會啦。須知明年壬辰水囚墓庫，辰為東南、即係話龍年水龍潛東南，唉！「潛龍勿用」呀，既然江龍死咗一大截，錦龍明年也潛水……咁南水北調咪前功盡費！唔得、噉搞法國內想唔暴動幾難！幾大博一博。於是乎擇定立秋後8月12日至23日處暑待金旺生水、母旺子相而分別在深圳、香港……南、東南地域作大動、以「神兆機動」趨吉避凶，主動深圳、香港配合催谷。大運會開幕匿個月五黃飛東北，流年飛正東，至於開幕嗰日更加擇正五黃飛正南……又係勞動九五之尊南下主持大典以化煞用煞。（記得2003年亦係立秋之後在三峽爆渠通流以驗神兆機動）除此之外，驚死你香港人怕死唔敢「動」以應數，特登指派剋仔強南下「搞事」逼班差佬去打學生、記者……等班無冕皇帝去遊行……驚仲動唔夠，仲整埋班賓……寫錯，應該南亞裔傭工至啱。寫到匿庶我自己都覺得好笑……。吳鈞洋師傅網站 www.ngkwunyeung.com.hk
加拿大聯邦法院唔知食錯乜嘢藥、、竟然駁回廈門「遠華案」主嫌賴昌星申請暫緩執行遣返令後……潛逃咗十二年嘅賴昌星阿叔，就係響文昌年化忌沖起月星太陰化忌之克應之下而歸案作了結……。我以為之前係江澤民教路，警告佢千祈咪返祖家（驚死佢返歸爆大鑊！）否則必整死佢，正宗客家佬話頭「Li唔匙挨匙」。 到咗依家老江死咗大半截差在未掹喉啫！阿昌叔可能受到「正面教育」聽聞係主動要求譴返……講唔定將來因戴罪立功篤背脊，連監都唔使坐，又一個現實韋小寶爵爺。
「遠華案」的效應勢必波詭雲譎咁發展下去，肯定攪亂北京政局。睇下胡溫點炮製呢味福建名菜啦（清淡好考功夫，整色整水又驚味太濃……），咪到時又捉倒鹿唔識脫角……事關「遠華案」已冷卻十二年，即使遣返賴昌星，對涉及該案嘅一眾主謀貪官，大陸司法當局能否偵辦到底，相當令人懷疑。猶其係當年被認為涉及貪腐、出身福建省高官，明年卸任嘅卸任，晉陞嘅晉陞……你話跟查落去wo，香港班廉記冇事揾事做都冇可能，咪話污穢不堪嘅北京高層啦！我一早就唔樂觀。
(閱讀全文)吳鈞洋師傅網站 www.ngkwunyeung.com.hk
7.1論卦象係「山天大畜」，聽個卦名都知道大把錢唔使做，於是乎得閑過頭而例牌菜上街…..，今年唔知係咪上頭有意賊佬試沙煲、想試下民忿嘅極限，特登响7.1前夕示意行將「波利暱縛男」嘅老曾，要佢有咁大鑊搞咁大鑊，睇下上街遊行嘅人數去到邊。事關老曾個班底橫掂就快「涅槃」，明年7.1冇乜機會再畀人打齋喃嘸佢哋班人個大名，倒數日子期間，滯口嘢啃多一件啃少一件都冇乜分別矣！哦……你問：「涅槃」點解？咪即係老僧蒙如來寵召囉……哈哈！咁都唔識，抵打！
吳鈞洋師傅網站 www.ngkwunyeung.com.hk
又到咗端陽節，乜叫端陽？（當然唔係指「皇上」……端正啦！）簡單說，來源係為咗紀念跌落河浸死嘅屈原、老屈係戰國年代楚國大臣，由於份人忠直敢言、所以不容於奸臣，多番遭人陷害、被人背後狂篤、狂屈……，搞到佢頭頂嗰堆線有幾條疊埋咗，終日行又驚坐又驚、無病無痛嘆三聲……就響農曆五月初五嗰日，忽然間又驚起上嚟，有人見佢在汨羅河邊高唱楚歌「離騷」聽聞話仲跳起舞添……冇耐，可能失足卦，跌咗落河唔見咗，時人乃念佢雖然傻儍哋、但到底係忠臣，為咗揾番佢、至少保住全屍咪被魚群趙鬼埋，於是發起咗全民包糭餵魚運動，並且用龍舟載住而通河尋屍兼派糭。你睇下個糭字點寫法？左邊用米部旁唔使解釋啦！右邊好似個傻字咁、相信老屈當時嘅精神狀況大家應該有印象。如果你執着要知道「端陽」二字起源，咁以下話你知：「端午節」，端是開端「初」的意思。初五可以稱為端五「五」與「午」通，「五」又為陽數，故端午又名端五、重五、端陽、中天、重午、午日，此外一些地方又將端午節稱之為五月節、夏節、艾節。（因為個艾字好有代表性，相信現代多數歡迎稱作艾節）。
(閱讀全文)
