香港新浪網 MySinaBlog
吳鈞洋 | 21st Aug 2013, 22:24 | 兩岸點滴 | (993 Reads)

吳鈞洋師傅網站 《香港占算網》吳鈞洋大師親算

    打風前,有幾個大學生到訪,當中有本地尖子,也有兩岸才俊。做完正經事,大家因為說話投契停不了,大有男兒為國家、條鞭總之話題轉入了政治層面,觸景生情「8.15」是日本投降紀念日,同仇敵愾、彼心同心,梗係目標一致睇吓架仔幾時衰。「老師,我可唔可出兩個字畀你觸機,斷吓狗日末來?」有位廣州同學首先向我發問,我點頭認可之後佢即刻出題:「就攞因果二字測吧!」我聽後不禁莞爾回道:「虧你諗到喱兩個字,也註定日本佬永遠冇運行。先睇因字,拆開係日人組成,即係困住個日本仔,郁下個頭變囚,擺下話兒變困……」,眾人聽後均開懷。我繼續:「果字更玄妙,拆開是日木,木字明顯架仔冇着褲……若然木字有栓自然一本萬利,冇呢咁就血本無歸囉!」至此大家真係忍不住笑起來。

 (閱讀全文)

吳鈞洋 | 12th Jul 2013, 21:35 | 兩岸點滴 | (480 Reads)

吳鈞洋師傅網站 《香港占算網》吳鈞洋大師親算

1).嘉年華慶典巡遊? 

環球時報:指七一遊行已經成為香港社會的新傳統節目,被看成一國兩制的重要表現。已是香港的新傳統節目,又指香港一些人,故意刺激內地,目的為尋求利益最大化,內地應該看透這些事,不用事事反應,要對“香港出不了大事”抱有高度自信……意思即係話,中央已不再重視遊行訴求,更加懶理篤手指的遊行人數。 

超!使叉佢講咩,十年前我都預測咗喇!節錄我當年文章畀大家欣賞: 

「有專家說,示威遊行除了最佳民意表達方式之外更有益個人身心,前者能使聽取民意的政府因應民情而作出施政方面改善,後者步行和高呼口號是最有效鍛筋骨兼宣洩情緒之減壓運動,兩者既然利多弊少而相得益彰,上街遊行自然應該大力提倡。

 (閱讀全文)

吳鈞洋 | 8th Jun 2013, 21:51 | 術數雜論 | (436 Reads)

吳鈞洋師傅網站 《香港占算網》吳鈞洋大師親算

打從多事六月之後,所知老而不就未曾得閑過,一如佢口頭禪話齋:「單單新鮮、鑊鑊甘」,點解釋呢?講到尾都因為近年來黨派不斷分裂蛻變,單係泛民就分裂出拾幾個增生組織、快過癌細胞擴散,攪到出位行動頻頻、抗爭新聞多多。此無他,組織和社團一樣,話事人老咗自然求安定、唔想攪咁多嘢,既已得益肯定不會太積極。如是者,泛民元老大多諗退休揾下臺階甚至向中聯辦献媚。至於「新紥」嘅年輕人不嬲視泛民組織為合法社團、必然如狼似虎博上位。若然原來組織不容納,自然另起爐灶玩大啲。特別近年嘅六月份、廿多年前北京學生運動,依家香港學生一脈相承有樣學樣。

「六四」咁啱係老而不生日牛一,天矇光先至響中聯辦返歸,冇耐又接到柯打要趕入大嶼山嶼南道採訪連環撞死牛離奇車禍事故……忙到連自己生日都忘記咗。難得老友一塲、有今生冇來世,幾個老死夜晚請佢食飯慶祝牛一,正宗「係牛八死難、唯一生還」哈哈哈!

 (閱讀全文)

吳鈞洋 | 14th May 2013, 20:22 | 術數雜論 | (324 Reads)

吳鈞洋師傅網站 《香港占算網》吳鈞洋大師親算

    早幾年,經紀陳有位高官鄉里來香港置業、響大埔購買咗兩三幢物業。(當官有咁多錢買樓,清極有限)為咗得到風水方面指點,佢誠意邀請我和老而不入去食過幾次飯、由於此君幾識撈也捨得落本,我也不吝珠玉而為他効勞。    

    外局巒頭:地點係別墅建群,成屏風式弓形排列,背山面海、風光明媚海天一色,前方小叢林作案,右方遠處羅城密布拱衛海床,近處龜蛇守水口。    

    內局理氣:坐西南朝東北未丑向,左方青龍位西北,右方白虎在東南,正合乎:「颠颠倒廿十四山有珠宝,顺逆行廿十四山有火坑」陰中有陽陽中有陰精髓。來水坤方母龍,門戶正南入口,三層複式、財方東北、正西。桃花東、南、西北。 

    敗筆之處在於來去路市虎潛龍潭,澤水困局如坐監。做生意嘅居所猶是可,事關營商走法律罅係天經地義事。最驟忌當官者入住,潛龍得財多不義。前人教落有所謂:潛龍勿用。事關格局潛水在先,入宅後隨即昇天。換言之即係:落地獄上天堂,人間難容一丁方。

 (閱讀全文)

吳鈞洋 | 13th Apr 2013, 18:09 | 兩岸點滴 | (718 Reads)

吳鈞洋師傅網站 《香港占算網》吳鈞洋大師親算 

    據中新社報道,自20132月以來,上海、安徽、江蘇、浙江先後發生不明原因重症肺炎病例,其中確診人感染H7N9禽流感33例,9例死亡。均為散發病例…

    大膠鑊!唔通又關黑仔強事……冇講過,冇講過!強哥係當今總理,救世賢相盛世魏徵…… 點會黑仔呢!

    不過講開又講,近日不少新知舊雨紛紛親臨或來電求教「疫情」走勢、大家最關心嘅問題係沙屎災難會不會重演、H7N9傳染病會不會順勢南來? 

    可以響喱戍回答大家,個別感染或許有所發現,唯獨廣泛傳播機會甚微。因為時至今日2013,世運已踏入八運十年過外,文明九運開始隨着習近平登基而紫氣南來、成為未來九運當運地。(當年鄧小平「五十年不變」嘅高瞻遠矚政策正係留有一手好讓香港特區徹底盡用此30年盛世佳運,完成朱雀繁華夢榮為祖國提供盛世之資源和風水的配套。)

 (閱讀全文)

吳鈞洋 | 13th Mar 2013, 21:31 | 術數雜論 | (386 Reads)

吳鈞洋師傅網站 《香港占算網》吳鈞洋大師親算 

今年係沙士十周年哀思年。十年人事幾番新,十年生死兩茫茫當年梳孖辮讀小學靚妹家陣已長得亭亭玉立,至於嗰陣嘅靚仔早已成了潮流新人類。災難發生十年矣,當年有如世界未日之情景尚歷歷在目不敢忘記!終身也不會忘記! 

有不少熟客老友問我,劫後十載,今年又係癸干五黃入中宮加埋正二月太陰化忌煞星飛南離,而不少人今年天梁巳垣守命,貪狼化忌入疾厄歷史會不會重演、沙士傳染病會不會復臨?我斬釘截鐵答道:「不會、保證不會!」,因為時至今日2013,大家有目共睹;失運兌金一切代表事物幾乎被清算剿滅,幾乎連根拔起,就連最強美利堅、也折墮到要選個烏卒卒(匿告勞)做總統冇力矣,至少仲有十年衰!邊似得2003嗰陣,雖然係運尾、惟爛船還有三分釘、兌金依然壯旺,西方正值當時得令歲月。

 (閱讀全文)

吳鈞洋 | 12th Feb 2013, 22:10 | 術數雜論 | (476 Reads)

吳鈞洋師傅網站 《香港占算網》吳鈞洋大師親算

蛇年伊始時值正月,在此先向讀者們拜過年,祝大家蛇年行好運,成年龍馬精神,工作事業順景兼財源廣進,最緊要係身體健康!

 

今年流年[癸巳] 天干雨水坐強火,雖然巳火是戊土的長生位,而巳火之內也包含有天干物質:丙(烈火)戊(燥土) (精鋼) 三種五行,彼此作生剋制化較量過之後,以烈火最最強勢,戊土因火生旺,庚金受火土剋制。(烈火鋼也無施武之力,更遑論五金之類弱金,被銷熔的機會大增。七運兌金過氣已十載,火熔土埋墓木已拱,當年2001年(辛巳)年初講過:「七運兌金巳呈強弩之未,若不剩勢引退遲早被。大運看重地支流年則重天干,故此2001年(辛已)歲、烈火熔金有程序,兌金敗地西方衰, 必有災劫尾後隨。」閒談蛇年吉凶休咎2001結果該年先發生了「9.11」事件,隨後金融風暴,歐債危機……

 (閱讀全文)

吳鈞洋 | 13th Jan 2013, 23:06 | 術數預測 | (437 Reads)

吳鈞洋師傅網站 《香港占算網》吳鈞洋大師親算

    眨眼間又到咗龍年尾聲,龍尾掃天地,蛇頭透玄機。實事求是而論:查實龍假蛇真係咁真真假假,弄假成真。    

    好希望龍年啲衰嘢都係假,蛇歲啲好嘢假都變真!謹此同大家拜個早年,講乜好呢?. 蛇年蛇吞象……唔多好卦!既然蛇吞象唔多好、咁就:龍騰新世紀;蛇躍好前程,運勢如蛇化龍飛,氣勢磅礴邁新歲!仲有係……靈蛇家陣有思想,凈吞金銀不吞象!

    我個網站正係喺蛇化龍飛嗰個年頭成立……計下數一十有二年矣!哈哈!直情要唱首歌賀下佢:新天地新世紀,特登開網洩天機,一早知道西退氣,歐美衰敗由此起……

 (閱讀全文)

吳鈞洋 | 14th Dec 2012, 22:27 | 術數雜論 | (673 Reads)

吳鈞洋師傅網站 《香港占算網》吳鈞洋大師親算

    大家應該仲記得上趟老而不和   經紀陳咪陪同過一位有頭面之紳士段爺到訪嘅,不經不覺又過咗大半年矣!今次趁「十八大」曲終人散後、段老再度路經香港、彼此有緣又再見面。

 

    剛坐低,段爺即操客家話語老而不和經紀陳:「相擾何安?芻豆之費,臨行當厚償……」、但見兩人客客氣氣回話:「莫漫作客套語,所值幾何哉?」大家相對笑呵呵。隨即段爺對我笑道:「大師最近可好?」,我必恭必敬作揖回道:「托段爺洪福,也過得蠻好的!」,段爺聽後爽快地點頭說好:「上次春天來,你們大選已經風風雨雨今次舊地重遊,哈哈!更加精采熱鬧!」,我笑着回話:「願聞段爺賜教,在下洗耳恭聽!」兩條友在一旁也齊聲附和着。「梁特首?哈哈!」段爺先呷了口我奉上的茶,施施然咁對我講:「唔,好茶!你使墨計問我嗻,你自己寫嘅文章都話佢今年沒樣掂啦……」老而不接話:「段爺,咁你點睇?」,「做頭,唔得合眾人意……冇事嘅,嫌戲無請,請戲無嫌,上頭一定撑梁撑到底。第一,換了梁振英,誰替上?第二,你哋班契弟、用別人屎做面皮、你要佢落臺我就聽你話咁我咪冇哂面?」講到喱戍段語氣略為嚴肅:「你吳哥寫胡總時有提到佢上臺後命運和現實制於老江,唯有保住太子先……」講到呢戍輪到短經紀陳湛亂歌柄;「唔怪得習總早輪玩失蹤,就係勒索政治局……」,段爺笑答;「都唔算勒索嘅,可以話集體罷工討價還價而矣!小孔不補,直至尺五,既然做頭權力應誤該有,最後還不是胡總抱了江老一齊下臺,吳老師,用你的說話是……」,我接過段爺說話笑道:「雙雙投墓,段爺莫非暗示梁振英今趟係中央權爭產物,時勢做英雄?」段爺莞爾着答話:「可以這樣說,既然係欽點、就必然做到夠期……除非犯了天條,哈哈!」,老而不接道:「香港犯法第一經濟、第二淫穢……上述兩項縱使渉及也查無實據,至於僭建只屬於夾硬砌之罪,只係佢講大話唔眨眼、喱條渉及個人誠信之罪……」,段爺打個哈哈繼續說:「上頭下了指示:CK一定要深刻全面檢討,土共在民間容許跟隨批判,但響立會必須力保CK過關。」 段爺所講嘅正是我潛意識的答案:你哋反對嘅人中央要撤換咁咪好冇面!各人相顧一笑、有共鳴感覺。

 (閱讀全文)

吳鈞洋 | 12th Nov 2012, 23:38 | 兩岸點滴 | (628 Reads)

吳鈞洋師傅網站 《香港占算網》吳鈞洋大師親算

    有一晚好夜、正準備上床赴周公個女周時芳之約研究命理。誰知喱個時候電話響起係老而不「叫床」請宵夜。本來唔想去,但人大隻自然為食,一聞食即刻肚餓…。

     去到約定地方原來偉哥也在,我笑語偉哥:「你越來越似某君,只要佢老死現身廉記、衙門……一定有佢陪伴左右」,條友聞言攬住老而不,難肉麻咁作狀呵面並操住咸濕國語話:「不哥哥,你疼我嗎?」,但見老而不一下子彈開,也佯裝逃出魔掌時個驚樣、連呼佛號以定驚……大家開開心心地笑將起來。
 (閱讀全文)

Previous Next