香港新浪網 MySinaBlog
吳鈞洋 | 30th Oct 2008, 18:04 | 廣東省貪官 | (400 Reads)

吳鈞洋師傅網站   www.ngkwunyeung.com.hk

    30/10星島日報:國務院總理溫家寶昨日接受本港傳媒訪問時表示,本港對外開放較大,因此這場金融危機着實對香港會有一定程度影響,加上目前金融危機還在加劇和蔓延,本港當前最重要的是要重振民眾信心和勇氣面對危機。他重申,「香港是中國的一個特別行政區,香港同胞是我們的骨肉同胞,因此還是那句老話,在困難的時候,凡是有利於香港的事情,我們都會去做。」 

    有評論員話溫總番話係項莊舞劍志在儆戒特區管治班子不要懶懶閑看待「金融海嘯」。

     北大人之所以咁緊張香港特區並非事出無因,皆因香港係北京首都之向首,負責中華人民共和國之財路(龍峯向水),假如向首呢庶有乜E郁,首先直接受沖擊嘅肯定係北京,嚴重起嚟可以斷絕米路,因此想話話之你而側側膊都唔得。中央既然咁着緊香港係可以理解,唯獨是後者點解乜都慢半拍、好似唔緊唔要呢?說穿了還不是廣東省班貪官響庶同中央鬥法,而香港夾在中間做磨心,郁不得其正。例如:貪官買空賣空股票、贃錢贃到興起,斷估你特區政府唔夠膽限制無現貨而沽空。明知投資廣東省內之港人中小企E家乜卵唔要只想甩身都唔掂,借錢俾佢地等於搬錢填氹益哂上頭班貪官。咪以為特區政府係阿夢至得架!(阿董個細佬),其實班友挑通眼眉、知道中央目前冇實權管班契弟,但又唔敢得罪佢哋,唯有敷衍塞責鬥長命。

    清代康熙非常注意嚴懲貪官。他說,貪官必加嚴懲,貪官之罪不比其它,絕不能寬恕。否則,不能起到儆戒作用。一次秋審,他就親自勾決了一批貪污要犯,以儆效尤。對封疆大吏,他要求更嚴。如陝西巡撫穆爾賽貪贓枉法,康熙說:「對這樣穢跡顯著的要犯,不用重典,何以示懲,應立即處死。」從一六八一年起的二十五年裏,對貪污行為起到了很好的遏制作用。


吳鈞洋 | 21st Oct 2008, 19:36 | 廣東省貪官 | (376 Reads)

吳鈞洋師傅網站   www.ngkwunyeung.com.hk

    廣州有個摩登收租佬叫:賴鐵鋒使人帶來消息叫我因住,,他將會動用黑社會勢力以阻止我揭露廣州市貪官們貪贓枉法的真相(此人專為廣州市貪官收受賄的街帳,當中包括利用偽華僑身份非法侵吞國家改造房產)。其次更提醒我上頭已將我列為「反革命分子」,罪名係指我洩露「國家機密」,呢啲罪行可以判監十籠八籠……咁話。哈哈哈!幼稚得很呵,身為廣州公檢人員(賴鐵鋒本任職於公安局和國土局,後來有門路攀裙關係聽聞嗒咗某高官個女而晉身收租佬),竟然夠膽自認黑社會。可想而知廣州官場(包括中紀委在內)不單止貪污瀆職、貪贓枉法……最令人恐怖的是、整個「公檢法」部門早已被黑社會滲透,實質上已經兵賊不分。

     吳鈞洋謹此忠告同胞們不要再相信廣州市政府,任何文件、合約、公證……等等此地已經靠不住,要辦理者宜三思。

    「反革命分子」幾個字已有拾多年沒有聽過,既然吳鈞洋被冠上此名銜頓感無比光榮,最歡迎被捉去坐反革命監,到時不愁不名馳中外。罪名若是「揭露貪官罪行而洩漏國家機密」更加清高受景仰。如此夢寐以求的好事,阿媽,我中意呀!


吳鈞洋 | 13th Oct 2008, 19:04 | 術數雜論 | (701 Reads)

吳鈞洋師傅網站   www.ngkwunyeung.com.hk

    呢兩日老B上我公司串門:「老吳,睇過你最近篇文章……」,我問「好多篇,你指邊一篇呀?」,他答:「含含含…篇呀!」,我笑罵:「你條粉腸,咁多字唔記淨係記得個字」,他打個哈哈:「就係特登記一個意難忙字、問起等你好記憶」,我陰嗤嗤地小聲贈他:「似乎意淫多喎,嘻嘻!」,他漫不經心地說:「你話乜都好啦……喂!我想問下耶和華最近係唔係做梗呀?」,我不解:「點會九唔搭八扯上祂呢?」,他答道:「我早幾日俾個大女捉上教堂聽個牧師係咁講……」,我沉吟一陣回道:「近呢拾年睇落就似層層嘞,睇情形亦做得七七八八,我哋罪人將落地獄享樂,你吔啲聖人肯定上天堂受難….吃吃!」大家不禁樂而大笑。老B續道:「照牧師講法,真似世界未日、大審判來臨!」,我拍拍他肩膊:「話之佢啦,到時佢夠審你,你唔識班如來佛祖同阿拉……等等諸天神佛同佢揮過咩?」,我繼續道:「八運戊土專政,一切投機、偏鋒、醫事、娛樂……等等在03年沙士過後至此已清算殆盡,由投機界奠後……去年年尾我篇(年初挾印年尾奪寶)正好係大運預警!有幾多人會上心呢?」,老B搖搖頭無奈地嘆息,忽然間他好似「上了身」似地對我說:「老吳,忽然記起,你今年年初咪有篇寫我哋元宵節春茗團拜嘅文章刋出過嘅,我想你再擺上網誌……」,我不解地問他:「老B,乜因由對我呢篇嘢咁大興趣?」,他騎騎笑着神秘地說:「暫時唔話你知、等你心思思,到你睇多幾勻、就知乜嘢事!」

豬鼠牛,煞曜南北有排愁   

 (閱讀全文)

吳鈞洋 | 8th Oct 2008, 17:25 | 術數預測 | (453 Reads)

吳鈞洋師傅網站   www.ngkwunyeung.com.hk

    一年容易過轉眼到中秋,幾個老友又循例碰頭,一如A君所說的「開政治局會議」。到達酒樓入座之後慣例又係A君先開腔打開話閘,他這次是先向歡喜寃家C君爆石:「老C,你有冇睇無線《搜神榜、》,奇怪柳毅點會榜上有名?」「邊個柳毅呀?係唔係羅家寶首本名曲《柳毅傳書》中唱龍女三娘時連含六嘢、嗰個柳毅呀?C君摸着頭騎騎笑問,「邊有隻粵曲有咁多個(含)字呀?」陳君瞇着眼疑惑。「有架,我唱俾你聽,嗱,聽住嘞、係柳毅唱:席間龍呀女三娘,佢仲含含含含含……A君得意地答道並唱出了(柳毅傳書)中一段,「乜個龍女(含)咁耐架?」B君不經意地打叉爆出了一句,惹來哄堂大笑。「老B,斷估你個外省佬唔識聽粵曲,人家粵曲係要哦番咁耐嘛!」A君不滿B君驟亂歌柄,「係啦!唔好意思、算我錯,請繼續」B君微笑道歉,「含含含含含……情,將酒呀献……A君唱畢大家撫掌叫好。「唉!柳毅全輸,就係無線呢出打壞戲、搞到個市跌破萬九……D君吚吚哦哦而搖着頭太息着,「超!賭仔姓賴!」陳君忍不住笑笑口對他說「你唔記得自己去年初豪言壯語預測過(預咗今年要食谷種咩!)」,D君搖搖頭無言以對。這時C君又眼定定望住我欲言又止,「眼超超望乜呀、細路!係晤係身痕欠打?」我笑逗着C君,「我今勻都落咗疊,想知道後市點睇?」對方向D君打個眼色一齊央我作答,哪邊廂陳君也幫着腔:「講起上嚟我都好想知道下啲玄機?」,我微笑着掏出筆邊寫邊道:「(澤火革)離下初爻往上數三,變卦(震)而成(澤雷隨)……間爻則成(天風姤)。此卦(兌金)為卦體用神取(震木)及間卦(巽木)為(財星),加上乾兌金在立秋後進氣而有力劈木……嗱!記唔記得去年中我哋聚首時集眾人智慧起出此卦,係由B君口占〈23〉而得,A君還高唱賭仔自嘆以附和,一切都紀錄在我2007《恒指有望創新高,豬公此劫恐難逃文章中,文中也指出:此卦(震卦)財星為用神,無可避免地未來本地股市的波幅肯定進一步擴大,分分鐘瞬雷不及掩耳地將投資者手中貨源一概(震走),跌至幾近谷底先至反彈。如是者幾上幾落而完成(牛市)末期之過程,個市先至宣告壽終正寢……計計數2008年庚申、辛酉立秋、中秋兩個月乾兌全金司權,木入金鄉必被劈個粉身碎骨,怕末來個股市縱使非正式宣告壽終正寢,也只有反彈之餘勢而難有上升之動力。換言之,一眾芬佬已離場,恆生指數極難再舞上23000點樓上矣!」B君聞後乾笑了幾聲:「即係話個市係咁先啦?」,我無奈答道:「相去不遠矣!」。A君道:「老B,你份人咁穩陣,唔會輸入肉嘛?」B君答:「咁就冇,還執咗一身彩添……」「你個Lao B睇幾時班齊馬去擦你餐勁嘅!」陳君笑着搶答:「佢條友仔睇見(中移動)跌得咁殘,走去銀行贖回份掛鈎基金而買入,結果前者升番上嚟、後者因贖回而執番身彩唔使跟人上街遊行……吃吃吃!」「喂!真架,我遲吓特地為此擺番幾圍,專揀啲貴夾唔飽益大家」。……

 (閱讀全文)

吳鈞洋 | 2nd Oct 2008, 21:10 | 術數預測 | (929 Reads)

吳鈞洋師傅網站   www.ngkwunyeung.com.hk

    有睇我文章的讀者,都知我好似同美國總統布殊有仇咁,唔信?可以閱讀番我過去之文章架,由佢上臺起計、大大話話已鬧足8年。此無他,就係睇唔眼佢「沙文主義」之行為,事實證明我並沒有鬧錯,大家有眼睇:今時今日當就快「塵歸塵土歸土」而蓋棺定論,你哋話呢條粉腸係唔係「生時累朋友死時累街坊」吖!

 

    今日番睇啲舊作,發覺有篇響2006年尾寫嘅文章幾有意思,特地放上Blog,好使讀者「觸景生情」一番、以總結下呢兩年人生之波幅……(酸甜苦辣)。

巨門化忌與刑忌夾印

    轉瞬間狗歲已過了一大半,遲多兩個月又將到了迎豬送狗的歲晚日子。明年斗數四化是:太陰化祿,天同化權,天機化科,巨門化忌。流年星數是(機月同梁)的組合,大象顯示出一如香港人所謂之:〔細眉細眼〕契機,瞞天過海不擇手段風氣將彌漫於來年整個人類社會眼見狗年下半年上述風氣開始充斥於社會各個不同層面,例如:美國經濟明顯下滑、樓市不振……惟杜指可以大升特升至新高。或許有謂:(機月同梁)主運籌帷幄出奇制勝,是主導社會進步的動力,此說個人亦大致認同。惟不可不防的是來年星數有一種不協調徵象(刑忌夾印),當中含有願望成空的啓示,不排除某些有十足把握的計劃會被突如其來的不明誘因所破壞,縱使最終無損無缺惟過程中的驚濤駭浪總教人膽顫心驚。……

 (閱讀全文)