香港新浪網 MySinaBlog
吳鈞洋 | 22nd Dec 2008, 19:32 | 廣東省貪官 | (863 Reads)

吳鈞洋師傅網站   www.ngkwunyeung.com.hk

 有幾個嚴肅性問題欲想請教中紀委,誠希望予以答覆。  

1).既然吳家傳串通江門市僑務部門製造虛假華僑身份證明以騙取國家財物(國家經租之房屋自然屬於國有財產)。作為防腐反貪機構的你們,在這起欺詐事件中起過甚麼監管作用呢?有沒有在欺詐事情進行過程中一如電視劇塑造出的人物般:大膽懷疑、反復求證、不眠不食…等等以保護國家財產為己首要任務?不幸是答案全面否定,反觀,現實中的「廣州市中紀委」同志們只懂得官官相護,刻意隱瞞事實。也不管你們「核查過廣州市相關部門工作人員並沒有存在違法違紀行為」。中紀委同志們,試問廣州市相關部門工作人員在「維護國家利益,保護國家財產」方面有沒有克盡全責辦事?被吳家傳欺詐而成功騙取國家財產之後,問責制責成下來,有關官員(包括中紀委在內)要不要負上責任,揹上黑鑊?你當人民是呆子嗎!

 

2). 2006年初我曾經向「廣州市司法局」投訴其管轄下的「廣州公證處」未作深入查證而發出虛假歸僑公證予吳家傳承繼鍾有彩「遺產」因而成功騙取國家經租房屋,並且嚴峻地指出「廣州公證處」公證人員林琦受賄於吳家傳而進行一系列貪污瀆職之犯法行為。以下是「廣州市司法局」和「中紀委」2006年的先後覆函,內容凸顯出「中紀委」人員官官相護的醜惡嘴臉和欲蓋彌彰的矛盾心態,掩耳盜鈴的勾當顯露無遺。

 

3).在不可否認的事實面前,國土局不能不乖乖就範,收回騙徒吳家傳騙取國家擁有的經租房屋。但是國家經租的房屋是在2004年被吳家傳騙去,前後計數下來已有四年多是經由騙徒吳家傳以市價租賃出去的。現在在國土局發出所謂「行政處理決定書」收回騙徒的房屋後,被騙去四年多的租金竟然隻字不提依法追討收歸國庫。嘩!如此慷國家財產的慨,若然是國土局工作人員所為不過是一件贓二件穢的醜事而見怪不怪(本身已是貪贓枉法、水洗不清的衙門)。但眼前是在「中紀委」監管之下而瀆職、真可算是世間奇聞也!

 (閱讀全文)

吳鈞洋 | 18th Dec 2008, 17:21 | 術數預測 | (310 Reads)

吳鈞洋師傅網站   www.ngkwunyeung.com.hk

1218日係改革開放卅周年紀念正日,唔記得當年召開嘅係共產黨第幾中全會,總之清楚記得響嗰次黨大會之後,「歌唱祖國」那首歌的歌詞最終得以在中國國土上實現,中國從此走向繁榮富強,最重要的是大部分中國人從此甩難而得到真正的解放,「能做中國人而感到驕傲」的自豪念頭也由這個時候開始冒出。

吳鈞洋在此百感交集的大日子,特地高歌一曲以抒發真情:「東方紅、太陽昇,中國出了一個鄧小平,他帶人民走新路,干秋萬代,他是中國大救星!」。鄧老爺子,中國如果沒有你,今日超英趕美的成就恐怕只能止於自我陶醉的「口號」中。中國人民如果沒有你,至今肯定還浮沉在生不如死階級鬥爭的「苦海」裡。階級「敵人」如果沒有你,現在可以呼吸自由的空氣和體現到人的「尊嚴」嗎!(眼淚奪眶而出….

最後,對30歲以下的青年、少年、兒童…..感嘆地說句:「由衷地羨慕你們,你們真正是幸福的一群!」

**************************************************

1222日係冬至,呢個月太陽化忌,冬令陽光本來黯淡、再化忌更加「失明」。至於冬至過後本應一陽滋長,唯獨來月太陰化忌卻已進氣,再加埋年星天機化忌,成堆忌星聚埋一齊,搞到天昏地暗,日月無光,陰陽失調…..。全局牽動,鼠、馬、兔、雞、四極全沖,更唔好彩係末來小寒「農曆十二月」月令五黃飛巽宮東南,與原先流年在南離之五黃併大雪「農曆十一月」月令五黃相夾東南宮位而成「雙煞夾煞」。睇怕東南亞(包括中國大陸和港澳臺)縱無大劫也必有小禍釀成,不禁嗌句:「戴高樂」!

有時諗下,父母教導嘅嘢若然不加思索就套用、有時會累死自己。好似阿媽教落話:「可以投資而不可賭博,皆因十賭九騙」,甚至不分青紅皂白地將澳門列為「禁地」,千叮萬囑不要去!(吹脹)。大個仔之後,輸過幾鑊股票之後,發覺阿媽嘅說話靠唔住,原來真正騙人的不是賭場,而係投資投機和評級機構。越係透明度高嘅越搵笨實,越話民主自由嘅地方越係氹你入廁所……(睇唔倒做乜)。之不過又諗番阿媽所講:「蜷毛嘅人多數惡教,加埋勾鼻多數講嘢冇樣真,靠唔住,衰格!」,似乎又不假喎。


吳鈞洋 | 10th Dec 2008, 20:52 | 術數預測 | (322 Reads)

吳鈞洋師傅網站   www.ngkwunyeung.com.hk

    傳媒咪成日讚香港警方有幾個出位嘅「殺雞」警司嘅,廣東省公安也不時畀壓力呢邊要求落力「捉雞」,(以利上頭娼盛繁榮)。E家好嘞!係咁隔日掃黃、掃掃下又再掃出禍,爾後想食新鮮(有毛)雞乎?幾難矣!起碼明年唔使旨意食得安心(分分鐘食完嚇餐死、想扣喉嚨嘔番出嚟都唔掂!)。點解呀?事關明年「文曲化忌」值年,雖然雞屬「文昌」,「文曲化忌」自然唔會直接影響到佢哋,唯獨「文曲」泛指禽鳥類,「化忌」即係帶菌,既然禽鳥類普遍有病、啲「噶噶」又焉能倖免呢?講到呢度、自然要涉及到「玄機」呢下嘢,講到「玄機」囉喎、不能否認本地地域零舍騎呢奥秘。以前耳熟能詳形容香港係華洋雜居之地,華者「辰」龍也,洋者「酉」雞也,猶其港九之九龍以辰龍見稱,有龍必須有雞先至合乎地域陰陽配之條件(辰酉陰陽相合),所以香港回歸前英國管治時期……….(俱往矣!還是不作評論為着數,費事講多錯多)。一到回歸嗰年,由於「雞飛龍潛」之故,即刻發生H5N1禽流感事件而要祭起「倚天劍」殺盡毛雞(屠龍刀斬龍)。爾後每逢:卯、辰、巳、酉、丑……等等酉雞「刑沖會合」年份,必有禽流感病毒流行而要局都以致全面殺雞,猶其是每當香港警方「捉雞」特別頻密和賣力嘅時候,事情更加嚴重(捉蟲之故)。另一方面,若年值廣州五羊城之未土受刑沖之際,禍事必南移(特別明年丑牛太歲沖未羊,廣州必有大災而禍延香港,相信禽流菌已變種成「擒牛菌」矣,嘻嘻!)。

    在文章結尾,試以節錄過往相關文字內容以供講者參考:

 (閱讀全文)

吳鈞洋 | 4th Dec 2008, 22:41 | 術數雜論 | (320 Reads)

吳鈞洋師傅網站   www.ngkwunyeung.com.hk

    某日在網上整理舊紀錄之際,去年仲夏刋出的文章「南坐三煞北朝天子」忽然間又再出現在眼前不經意「拜讀」之下內心打咗個突,心忖:「咦!莫非個天有心提點我,有些事情將要發生?」今年天機化忌,機不可失,否則一定大鑊!唯獨踏入咗鼠年之後,由年頭數到年尾認真「單單新鮮鑊鑊甘」係同天機化忌有關。

    嗱!咪話唔橋,剛啱過年本地就發生咗陳冠希失機(電腦)而鬧淫照風波,冇幾耐曾蔭權晤記得是因為「副局長」抑或「梁展文」事件令民望重創下滑幾至谷底。年中過後歐美次按危機東來亞洲,香港因迷你債券事件搞到一鑊泡、加上股市跌到阿媽都唔認得,呢個時候民怨沸騰、幾乎又鬧到過百萬人上街咁交關,個曾突首仲唔知機,死咬住生果金問題糾纏,結果?生果金急急腳讓步「照加」!但突首民望十足「老頭那話兒」,零舍當氹地軟綿綿至新低而慘不忍睹。到咗年尾應該好啲啩!誰知成語:「虎頭蛇尾」四個字的最新解釋又再應驗在香港。講都冇人信,又係同天機有關、仲係真正「飛機化忌」而波及整個特區問責班子嗰隻:大家都知道泰國嗰頭亂恰恰,由於示威者佔據機場緣故大大話話半個月冇飛機起飛。呢個時候不少港人滯留響戍郁不得其正,如果突首同佢班「靚」醒嘅話立刻派幾架專機去接人,非但唔怕會畀人打落(一笑),還會博得英明果斷和愛民若子……等等美譽。唉!若然係就好世界囉!睇死班特區問責官員邊有咁高政治智慧呀!成班友響個人民望低企時候,做下騷又何妨呢?睇人大陸嗰邊呀,啲飛機好似唔使油飛咁,派完一架又一架,顯得幾有大國派頭呀!就連澳門何厚鏵也知機而第一時間派咗一二架去,一眾港人好似二奶仔咁眼坦坦睇住人家大陸客同澳門人他他條條地上機。最眼寃係睇住條澳門仔一面上機一面大聲明寸剃眼眉。奈何呀奈何!事後點呀?截稿時突首冇出過聲喎!其餘三位問責大員則「咦咦哦哦」各有各說響戍卸責。因住呀!老曾,今年係「天化忌」,機不可失呀!失機必有危機。還記得我那篇奧運文章嘛?「和為貴,祭天要四位」