香港新浪網 MySinaBlog
吳鈞洋 | 13th Apr 2009, 00:02 | 術數雜論 | (1540 Reads)

吳鈞洋師傅網站   www.ngkwunyeung.com.hk

    聽聞白姐姐韻琴同個「愛人」謝偉俊感情出現咗重大問題,好似話搞到冇彎轉咁交關。好多時我都唔中意夫妻間互稱對方為愛人,事關「愛人」嘅涵意係愛你時又愛得別人,之不過知己之間彼此稱作愛人卻係好正常嘅事……好嘞!題外話表過之後、入番正題,記得我曾經寫過一篇文章題名為原來孤零零天數早注定),內容寫盡痴男怨女悲歡離合「因緣離合」,具體闡釋命理緣來緣盡結構組合的休咎。因為呢篇文章未上過Blog拜會各位網友,今次特地刋登以供大家品評。……

    追求婚姻完美對於女性來說比窮通壽夭更看得重要,縱使最獨立的女性也不能否定這種比生命還重要的比重與生俱來存在之價值觀。話雖這樣說,然而又有幾多女子可以一生享受到完美無瑕的婚姻生活呢?

 (閱讀全文)

吳鈞洋 | 1st Apr 2009, 23:11 | 術數預測 | (1430 Reads)

吳鈞洋師傅網站   www.ngkwunyeung.com.hk

    我不嬲都習以為常地每朝到公園煉氣功(點解唔用個練字?皆因我啲氣功只可以煉而唔可以練之故)。最近老而不話「瘋濕」發作(黐黐哋線之痛症謂之:瘋濕),因為唔知邊條線搭錯所以好叉難醫,於是乎佢條友話老虎蟹都要跟住嚟偷師、趕都唔會走嘅嘞。除咗佢之外,還有偉哥和大難財(老而不任職報館之版房主管),佢還帶多兩條靚嚟。靜靜地話你哋知,之所以有咁多人嚟捧埸(我完全冇着數架!)、俱拜老而不出蠱惑所賜,事關佢條友晨早保證唔知醒,搵多幾個人晨早煉功、即係隨時預備多幾個「人肉鬧鐘」畀佢使(老而不佢會死錯人咩?),為咗爭取多啲人響應、條友老作話我套氣功係「乾隆極品」可以煉出真火咁話。你知男人心理乜都係假、最緊要係有「真火」,只要終日保持朝氣蓬勃和氣宇軒昂,更辛苦早起都覺得值得而唔會冇計較。

    「你哋知唔知陳冠希以前係老吳嘅助教?」 嗰朝早幾兜友齊集喺旺角球場煉功,老而不又响響戍信口雌黃老作:「你睇佢煉得幾乜(擎天)啊!」,「收爹啦!老而不,咪破壞我形象呀!」我不滿地舊了他一眼,偉哥忍唔住加把口:「佢咁個款如果都話犀利……」,大難財緊接道:「咁你老而不梗係未見過大蛇疴尿嘞……嘿嘿!」,「超!你試過咩?」

 (閱讀全文)