香港新浪網 MySinaBlog
吳鈞洋 | 28th Sep 2009, 22:50 | 術數雜論 | (721 Reads)

吳鈞洋師傅網站   www.ngkwunyeung.com.hk

   有位老友舊年投機「疴凸」咗,再畀白頭佬和深山大野人兩兜友失驚無神嚇一嚇,形住本地經濟還有機會往谷下尋底,因此終日踩着竽筴當蛇、整個上半年均提心弔膽過日子,冇覺好瞓!一眾朋友覺得佢好乜畸形、鬧佢:「法國大餐……」。    誰知人算不如天算,預測唱好未必好、踩佢咒佢反而掂,世間事往往就係咁橋喇!咪理經濟係好係差,總之本地股市、樓市……等等年內咸魚番生,炒嗰泛升嗰泛。如是者講講下又到咗中秋,老友雖然未埋單結數,但計落嚟股票物業…..等等已比前年「股神」篤手指高峰時期仲贃凸好多添!依家到佢口響啦:「呢啲都係拜祖國所賜,如果中央不射住香港經濟、不愛惜香港子民嘅話,我哋仲有排唔得掂!仲有排衰!」    寫到呢戍,我忽然諗起無線前體育新聞主播伍晃榮嘅口頭禪:「個波係圓嘅」,諗落呢句說話極之有哲理,天係圓嘅地係方、「圓方」卦成「水火既濟」。臺灣嗰個監躉前總統阿扁,就係因為不停地同圓鬥氣、所以至終永不超生。

    記得2003年(癸未)響「新玄機雜誌」寫過一篇題為:「月滿有感話圓形」文章,值此「國慶六十周年」和「中秋節」雙囍臨門日子,有意再次刋登以應時當令歡渡佳節也!

 (閱讀全文)

吳鈞洋 | 17th Sep 2009, 18:19 | 術數雜論 | (832 Reads)

吳鈞洋師傅網站   www.ngkwunyeung.com.hk

    又到咗開學日子、讀書旺季嘅8、9月,十居其九家長都為子女新學年而忙碌頻撲作打點,在職青年也奔走勞頓為揀選進修學科報讀而操勞。眼見大家都在熱熱鬧鬧地忙個不了嘅時候,不少家長雖則不會說出口、但唔使問阿貴內心肯定有個關鍵嘅疑題:「咁叉辛苦為咗班化骨龍,到底佢哋將來讀得成書嘛?」   

  事實上,每個人嘅資質略有不同。有些人生來就係讀書命,能幼承啟蒙庭訓到青壯學賦五車,才高八斗,及後平步青雲而專業有成就,或營商致仕做埋官添!至於非讀書材料嘅青年也毋庸氣餒,有諸多成功例子不一定讀得書多,有所謂異路功名就係指藉技藝而獲得成就之表表者。   

  讀得書嘅人係天生文昌命,研究過八字和紫微斗數的人都知道:舉凡(木火通明),(殺印相生而印作用神),(日月成得位,昌曲魁鉞拱照)都是讀得成書之的佳命[上述是玄學術語]許多時候,可以因循命理五行選擇有利讀書的地方居所,配合命運佈局做風水摧谷文昌,往往能化腐朽為神奇。   

  但是算命比較繁複,也未必人人喜歡,最簡單的方法自然是看相了。要看一個人讀得成書與否,主要觀察面相五官結構和行動的神態,結構是形行動是神,形神俱全者必魁,至於身形四肢的優劣則列入奇格暫且不論。

    以下層次逐剝剖析概括:

 (閱讀全文)

吳鈞洋 | 9th Sep 2009, 17:21 | 兩岸點滴 | (628 Reads)

吳鈞洋師傅網站   www.ngkwunyeung.com.hk

    武曲屬金星、係舞刀弄棒嘅星系,故入武職,軍人是武曲星、武警當然不例外。文曲係文科星、任何文章、文書、文人……俱入文曲星管轄,在情在理,傳播界之無冕皇帝絕對係文曲之首。

 

    今年武曲化祿,揸槍嘅人年內肯定武職榮身而備受尊崇(金旺西域、越西越夠惡)。反之,流年文曲化忌,今年已過咗大半,由年頭到依家,衰親嘅泛泛都係文職、文事、學校、學生和傳媒……等等。

 

    因此牛年之大象可以形容為:「秀才遇着兵、有理說不清」。話之你依足本子辦事、獲得上頭首肯、攞正牌照做嘢,只要閣下是從事傳播界之記者,遇上心口掛住個隱形「勇」字嘅武警兄臺、即係顯示閣下認真運滯兼夾唔好彩。就算係阿濤哥、阿寶哥嘅親戚,一樣要先被濕一餐才問原委。事後就算閣下好叉有道理、甚至燉佢冬菇添!但有理冇理畀人濕咗一餐蝕底在先……而大多數情形之下應該冇仇報! 

    講到「秀才遇到兵,有理說不清」呢句流傳甚久嘅俗語,自覺幾鬼有意思,以下特登節錄某篇文章與網友分享……

 (閱讀全文)