香港新浪網 MySinaBlog
吳鈞洋 | 19th Apr 2010, 18:49 | 術數預測 | (1308 Reads)

吳鈞洋師傅網站   www.ngkwunyeung.com.hk

     「青海玉樹」聽講本來係一處風景優美、古跡林立之旅遊區,想去嗰戍旅遊想咗好耐囉!但總未能成行……想唔到今次青海大地震嘅重災區竟然就響我「夢遊」之地(發夢都想去嘅地方) ……相信有排至得以回復舊觀   

    記得上個月國內東北方吹起大風沙而覆蓋多個省份,一片朦查查;導致大半個中國陷入「黑暗」之中。當時有讀者問我當中有咩玄機?我講笑答佢:「沙塵滾滾殺錯良民,艮兒不孝禍及娘親」,唉!點知一語成簽,災禍竟然真箇降臨西南坤方娘親之地域,呢啲亦係流年「艮坤二五交加」之不幸。嗱!55日之後交入立夏仲大鑊,事關該月二五交加打孖嚟,問你知驚未!

    記得我上月寫過一篇文章提到當中玄機,試錄部分內文如下:今年百年一遇之大風沙;明確顯示八運戊土全面專政,2004年前乾兌金主事之一切殘餘至此將全盤剷除。金主事最大特徵係貪婪和打砸搶……而金最怕係被土ong……可以話浩瀚黃沙顯正氣,……將預兆西方世界被厚土所埋而進一步沒落,仲有係國內貪官將有一大劫……

 (閱讀全文)

吳鈞洋 | 1st Apr 2010, 21:32 | 術數雜論 | (993 Reads)

吳鈞洋師傅網站   www.ngkwunyeung.com.hk

    今年真係該煨!仲未到清明、天災人禍已經好似三水佬睇走馬燈咁,見完又見、來完又來往後日子好事會否發力趕上接踵而來?呢層我唔知,唯獨衰嘢陸續有嚟幾乎可以肯定。好似呢個3月份交咗蟄節之後,天災、人禍……等等濕滞嘢好似湊熱鬧咁走埋一齊嚟喎,就連世界政治都明顯惡化咗,國與國嘅嗌交也比以往凶咗、大聲咗,冇彎轉,中美之間咪最好例子囉!     有啲嘢好多時候科學根本冇得解釋,縱使有亦不過「想當然」耳,講咗等於冇講、解釋完仲係令人一舊雲「我不嬲都話,科學、即係科幻學說啦!」。好似今匀大地震加旱災就賴受到所謂「厄爾尼諾」現象影響。咁人禍呢?山西煤礦死人,莫斯科地鐵爆炸……等等,唔通又有乜嘢「呃汝嚟落叠」現象肇禍咩?呢層真要請教天文博士以解茅塞矣!(NO!唔係茅廁…)

    嗱!科幻學說冇得解釋嘅嘢,玄學就有透彻之演譯喇,睇下面囉噃:

 (閱讀全文)