香港新浪網 MySinaBlog
吳鈞洋 | 21st Jun 2010, 14:04 | 術數預測 | (1053 Reads)

吳鈞洋師傅網站   www.ngkwunyeung.com.hk

    余、曾破天荒進行嘅世紀大辯論(6.17)星期四晚完滿結束,(讀者先留意,呢戍所講嘅「完滿」有雙重意思,睇落去自然會明白),全港… 唔係,應該話全世界嘅評論、一面倒咁認為曾蔭權輸咗成條街,有啲傳媒甚至話特首呢勻係名副其實「餵魚、畏余」,哈哈哈!

    我都有開電視睇個騷,之不過唔夠十分鐘就拿拿淋轉臺,點解?不忍卒睹也!雖然,辯論雙方男嘅好gentleman、女嘅亦lady十足,兩者都非常有風度和說話得體…但唔知點解,先入為主始終都覺得男嘅會輸硬,事關老生常談俗語有云:「好佬怕難佬,難佬怕潑婦」。

    特區政府一早已失去風水管治地利在先,近期更有大樹壓死人和地陷凶兆在後…照計曾蔭權響咁嘅惡劣環境之下。蠢極都唔會甘冒輸硬風險而挑戰泛民之首嘅老虎乸架,頂多揾民主黨嗰隻副嘅對砍嗻!咁憨居嘅決定唔通係身不由己畀上頭擺上檯?冇理由咁豬標主動去哄虎乸尾而自取其辱!諗唔通而納悶之下,於是撥咗個輪畀老而不……

    又係多虧老而不提醒,佢話上頭可能出蠱惑、示意「起錨曾」用五行去鬥法,否則打死都唔相信條moke咀有咁高嘅智慧第啲唔去惹,偏偏夠膽單打隻抽嗰隻吊睛白額老虎乸。哈哈哈!高招,認真高招!

    斷估大家唔會咁快忘記余、曾辯論嘅日子吧?係喇、冇錯!係(6.17)星期四下午6:30響特首府第進行,是日八字如下:

 (閱讀全文)

吳鈞洋 | 7th Jun 2010, 23:23 | 術數預測 | (664 Reads)

吳鈞洋師傅網站   www.ngkwunyeung.com.hk

    我屋企和公司都係開西南房行東北門。今年原命和流年嘅田宅宮亦重疊在巳垣;武曲破軍文昌同宮、左右夾空劫。上個月咁啱係月令命宮而坐咗入去……嘩!犀非利囉,衰足半個月,點衰法?嗱!病不在話下,其他:事事不如意、瓣瓣不稱心,到交中氣後仲多咗粒忌星纏武曲,仲畀老而不窒一餐添!依家個心仲乸住乸住唔乜順,覺得好唔舒服。真係想藉故摷佢條moke咀出嚟媽叉以出番啖氣。但諗深一層,始終人家處世道行、社會常識……等等都高過自己,冇得埋怨架! 

    嗰日響老友個宴會度又撞倒佢老人家(嗱!咪誤會我撞低咗佢、其實應話我哋遇上先至啱),條友真唔話得,遠遠望見我即刻烚熟豬頭咁起勢向我揖手。「睇見喇」我笑道;「阿筆哥……乜你咁早就到咗嗱!」,「你可唔可以試一次咁多,嗌我時咪加多個不字?」老而不微慍道,「大佬呀!我今次稱呼你筆哥喎,乜你啲廣東語咁鬼水皮架!」,「係喇!大帥,乜叉都係你講哂……喂!你望下嗰邊,經紀陳拖住個靚女嚟噃,唔通係情婦?幾大報串!」順住老而不手指去看、不遠處在酒水招待嗰度,果然見經紀陳同個廿歲鬆啲、模特兒款嘅靚女響度拎飲品。我哋兩個龐然大物企響戍咁漾眼、又點會唔讓人觸目呢?唔使幾秒鐘經紀陳已望見我哋,佢隨即咪咪咀笑着、拖住個靚女走過嚟。「呢個係小女LuLu,剛啱放暑假由美國返嚟……叫uncle啦!」經紀陳笑着介紹位靚女畀我哋認識,「LuLu?嘻嘻!」經紀陳還未說完話、老而不已經噗哧笑出聲,我不禁瞪咗佢一眼,經紀陳也顯得有啲尷尬:「佢響外國出世,唔知在香港LuLu呢個名咁鬼出名同搞笑……」,反而女孩子若無其事、大大方方望住我哋甜甜咁笑。「世姪女,你真係靚女喇!稱呼我哋唔使番文咁見外架!用中文叫啦……叫我做雷叔叔,嗰位叫筆伯伯就得嘞……」我指着老而不語世姪女,逗得大家樂得一陣。……

 (閱讀全文)