香港新浪網 MySinaBlog
吳鈞洋 | 11th Jul 2010, 22:15 | 術數預測 | (939 Reads)

吳鈞洋師傅網站   www.ngkwunyeung.com.hk

    近期最熱門話題係德國大熱倒灶,響有利情形之下而輸咗畀西班牙。八爪魚阿Paul反骨地背叛擁躉最多嘅老家德國、屢次咒佢輸波,不少球迷因此恨不得殺之烹之食之……以出番啖氣,斷估「糟質八爪魚之方法」勢必為有腦之商人帶來無限商機。另一單話題就係廣州女警為救被劫持人質、拾多秒鐘內連開數槍,第一槍擊中綁匪人質已經脫險,跟住近距離再補多三槍而攞佢命……殺人之後竟然笑口噬噬、若無其事,傳媒無不讚佢神勇卻冇人話佢冷血。

     在香港,新聞話題日日有並且多蘿蘿……但大單也好細單也好,受關注程度總不及老鼠咬人呢單話題! 

    老鼠鬼佬叫佢米奇、廣東人稱之六壬。本來佢哋過往在香港並唔出名、也不太令人討厭,後來之所以有啲名氣係因咬遊客而起、特別專咬女人……點知最近猖狂咗,連男人都唔放過、照咬!乜原因會咁呢,唔通因為接近小暑大暑乎?答案係一半一半,事關鼠嘅五行屬子水,仲夏燥涸而滴水冇剩,鼠受煎熬冇理由唔狂躁……但答啱亦屬淺見並冇觸及問題嘅中心「水」water歸根究底原因係特區好似泰國一樣:南水北調結果。我好耽心第時因老鼠為患而引起鼠疫發生,咁就死得人多囉!

 (閱讀全文)