香港新浪網 MySinaBlog
吳鈞洋 | 21st Aug 2010, 16:17 | 術數預測 | (896 Reads)

吳鈞洋師傅網站   www.ngkwunyeung.com.hk

    踏入大暑之後,個天好似穿咗個大咕窿,豪雨落下個不停,第戍咪講喇,單係香港、未入立秋已經懸掛咗兩次黑雨信號。到立秋之後、白虎司權,唔知係咪秋後算帳緣故,更加唔講得笑!豪雨引發水患而在世界各地釀災肇禍……邊戍最嚴重呀?仲使問嘅,梗又係我哋祖國啦!(好嘢甚少有份)    

    早輪有人問我,本港第3次發現水龍捲及漏斗雲現象……請問如何解讀,係咪水到財來?我畢加思索地回答:龍捲水幾現、長遠嚟講係吉兆,猶其對祖國而言。 

     點解有龍捲水、又點解會係吉兆呢?可以話你知……聽住囉噃!因為庚寅年,金虎騎虎背而橫衝直撞,咁沖法、自然亂哂大龍而將本地九龍之辰龍沖起而騰空!交入小暑節令之後、個大象有如(大鼠、小鼠)般流竄。呢個時候白龍鬥金虎而掀起陣陣狂風暴雨,雨露屬子水、亦即係大鼠、小鼠,子水匯源成洪鋒,辰龍吞子水而而會成咗子辰水局,立秋係申月、申金當時得令天造地設而三會「申子辰」水局……咁樣會法滔天大水自然一發不可收拾!祖國多年來進行嘅「南水北調」工程、早已導致本地「水龍」乜叉都畀上頭托干托淨,雖然有回報、放回大小「人龍」來幫助振興經濟……唯獨是我哋地域風水係倚靠(龍峯向水)而興旺,用特區特式地理解釋(龍峯向水)、即係:「九龍和港島四周圍環山面水、我哋就係食正維多利亞海床條水」。須知風水玄機以「山管水管財」,既然食正條水但水卻被上頭南水北調而調干調淨,冇水咪即係財路被斷!?一味多大人龍落嚟遊蕩、小人龍到此出生……旺丁而不旺財有叉用咩!

 (閱讀全文)

吳鈞洋 | 6th Aug 2010, 18:36 | 術數雜論 | (662 Reads)

吳鈞洋師傅網站   www.ngkwunyeung.com.hk

    最近有兩單新聞,一單在廣州、一單響香港,由於兩單嘢搞笑兼捉蟲緣故,所以特登整咗篇文章、與網友開心同樂,咁搞笑嘅嘢,響高溫三十幾度之下大可以當佢甜品涼茶,消消暑熱,祛祛濕滯……

      第一單不久前發生響廣州(唔知點解,每當提及廣州個心自然想笑,笑乜?笑班地方官、戇XX行路上廣州…… 咦!在廣仲使乜行啫!)。唔知係咪地方政府屎忽痕冇事搵事做,又或者張廣寧因為乘龍而被太歲白虎追噬……竟然在不適當時候提出不適當建議,話要廣州電視臺改用普通話播音,以便宣傳廣州……云云。提出提議一出不少人認定係有意取締廣東方言之先兆,由此引發起千餘名廣州市民上街請願,及後有更多網民響應。新聞報導話係別有用心者煽動嘅  「普粵之爭」,並且將上街請願群眾定性為壞分子……哈哈!進步咗喎,冇話班人係反革命分子!  

    點解話單嘢搞笑呢?因為霸道如毛澤東都唔敢話繆繆然取締廣東話(當年只係提倡全民學好「煲冬瓜」……大概冬瓜可以去濕啩,哈哈!)須知全世界有過億人講廣東話,取締?咪話實行喇,就係講下都唔得,分分鐘會爆大鑊!

 (閱讀全文)