香港新浪網 MySinaBlog
吳鈞洋 | 6th Jan 2011, 20:02 | 術數雜論 | (770 Reads)

吳鈞洋師傅網站   www.ngkwunyeung.com.hk

    又到咗臘月矣,就響虎年快將玩完之際,個心嗰個結始終解唔開:陽巨權祿昌曲忌,陰陽鋒刀割禾穗。我曾經講過:既然庚辛陰陽金傷木割禾穗,所有姓名屬木嘅人都有不同嘅大災小劫。廣州又名穗市、五羊城,庚辛既割禾穗、復刲羊,嗰戍兔年幾難無災無劫到臘月…… 

    唉!咪話唔應棍,剛過聖誕而尚未交入臘月,首先傳來噩耗話孫中山個孫女孫穗芬在臺北發生車禍而垂危,命懸一線間,冇耐復輪到香港民主精神領袖司徒華、華叔不食人間煙火而騎鶴西歸 前者禾穗被刀割,後者肺金遭木傷,莫非陰金已進氣,金木相戰拉起咗序幕?!係喇!明年文昌化忌啲氣提早入咗,呢個月文曲化忌當時得令,昌曲化忌乃哀樂之徵,亦有失機失算之兆總之乜叉燒都差緊少少,猶其不睇好投機項目、特別指數因住「新年快落」。

    我摷番2001年幾篇舊文章睇,拾年矣!好似阿柴九話齋,人生有幾多個十年!嗰年又咁啱係「陽巨權祿昌曲化忌」,如果用呢個辛金四化打比喻:即係有一條幾成熟嘅麻甩佬,佢非常健碩有型又有學識兼有銀両……聽到呢度、真係恨死好多靚女囉!之不過,嗱!最重要係呢一圜佢嘅瑖疵係咪笑喎!係將上述辛金四化中八個字抹去「權祿昌曲」而留番其餘四個字。點讀?無錯喇,咪「陽巨化忌」囉,哈哈!真該煨冇眼睇矣!問我究竟想噏乜?咪想話呢兜麻甩佬即係美國佬化身耶、更加係佢哋失運總統們之寫真!十年前兌金司權真金不怕洪爐火尚且難逃「九一一」之劫!依家正值戊土掌權而土厚埋金嘅滯運,出年放長雙眼睇下烏卒卒又有乜符fit可以甩難喇!

響戍,我特登刋出三篇舊文章上博,應該和〈倚天寶劍鬥衙門〉嗰篇同年寫嘅,咁又當得做「慶幸人生無驚無險而過得此十年之慶典」,哈哈哈!

 (閱讀全文)