香港新浪網 MySinaBlog
吳鈞洋 | 11th Feb 2011, 00:11 | 術數雜論 | (1596 Reads)

吳鈞洋師傅網站   www.ngkwunyeung.com.hk

 今年開市日通勝話最靚係年初六未時(2月8日2-3pm),嗰日四柱係:辛卯、庚寅、甲午、辛未

擇日係我專業,唯獨計算通勝卻非我所長。若然以我專業知識去計算,呢日自己斷不敢擇佢做大事,事關佢五行不特止官殺混雜,仲「傷官見官」五行欠水添!

不過有人話我知,有位勁出名、靚爆鏡嘅名媛擇咗呢個吉日吉時剖腹生產,我聽後不禁嘆聲:「該煨!」也難怪嘅,因為我哋凡人係「網中魚,籠中鳥」,點樣游弋、翱翔……都走不出命運嘅天羅地網,有所謂:「食幾多着幾多係整定嘅!」,話之你惡過共產老毛,富過美帝蓋瓷,幾叉辛苦先至阿茂整乜咁整倒個「啫啫仔」出嚟,個天卻偏偏有心整蠱、揾個咁嘅日子恩賜畀佢出世,唉!真無奈。

或者我睇錯啦!既然連阿玲玲姐都大讚,於是再起出呢日嘅五行睇真啲,睇佢究竟靚響邊戍?

 (閱讀全文)

吳鈞洋 | 8th Feb 2011, 02:35 | 術數預測 | (649 Reads)

吳鈞洋師傅網站   www.ngkwunyeung.com.hk

    我以前咪寫過篇文章叫「豬鼠牛煞曜南北有排愁」嘅,歌仔都有唱:三年過去又三年,「豬鼠牛」俱往矣!世運新三年管年運嘅畜牲分別係「虎、兔、龍」、佢哋三隻嘢會成咗「寅卯辰」東方局,啱啱過咗虎嘅第一年,依家係第二年兔之開始。話明係畜牲、好難真箇和衷共濟團結一致,猶其是頭尾呢兩隻食肉獸,未有耐輪到佢哋揸fit已經鬥餐死,依家輪到喎仲唔發惡咩,肯定鬥個頭崩額裂兼夾落花流水!不過話講番轉頭,假若「寅卯辰」呢個東方局少咗個卯在中間,咁龍爭虎鬥咪更加激烈?究竟呢個卯木係乜冬冬,屬於咩傢伙配套入嚟?

     讀者有冇睇過在下刋在玄機網有客西來至東而止,木火金水洗此大恥篇文章?現節錄一段仔畀大家參考,細味之下或者有所啓發,嘻嘻!(提到個發字人都醒神啲)

 (閱讀全文)