香港新浪網 MySinaBlog
吳鈞洋 | 7th Jul 2011, 00:55 | 術數雜論 | (1572 Reads)

吳鈞洋師傅網站   www.ngkwunyeung.com.hk

7.1論卦象係「山天大畜」,聽個卦名都知道大把錢唔使做,於是乎得閑過頭而例牌菜上街…..,今年唔知係咪上頭有意賊佬試沙煲、想試下民忿嘅極限,特登响7.1前夕示意行將「波利暱縛男」嘅老曾,要佢有咁大鑊搞咁大鑊,睇下上街遊行嘅人數去到邊。事關老曾個班底橫掂就快「涅槃」,明年7.1冇乜機會再畀人打齋喃嘸佢哋班人個大名,倒數日子期間,滯口嘢啃多一件啃少一件都冇乜分別矣!哦……你問:「涅槃」點解?咪即係老僧蒙如來寵召囉……哈哈!咁都唔識,抵打!  

測試結果有廿二萬人上街,雖然話一如古時打仗廿萬軍隊可以號稱百萬雄師 如果計埋中途加入嘅閑雜人等,數目應該差唔多。 上街人數又或者不及老古董去任前夕嘅五十萬紀錄之多,但上次係沙士過後苦主特多、五十萬人根本話少咗。至於今時今日太平盛世之下都有咁鬼多人冒中暑之險而上街提出訴求,都咪話唔得人驚……。 

 (閱讀全文)