吳鈞洋師傅網站 www.ngkwunyeung.com.hk
2004年在轉入八運伊始，嗰陣胡錦濤啱啱登上龍位，同時間咁橋亦係布殊仔被困巴格達之初，當時也是沙士瘟疫剛結束世人還餘悸猶存之際……（哈！印象深刻喺呢個時候，本地仲有位名風水師擘大喉嚨叫人到失運地正西、西南買樓，真係認真笑叉死、而聽佢老點大眾肯定畀佢累叉死！）
點解話兌轉艮運有莫大嘅殺傷力呢？解釋係：「土厚埋金」，即如閣下不嬲用開把「屠龍刀」去做世界，家陣要你學金毛獅王般「封刀出家」、你話會點？！明眼見到「西風無力百物殘」的子已經開始咗好幾年，過往一切由西方世界「乾兌金」主事：娛樂、歌唱、投機、山、醫、卜、星、相……等等，在興旺過四十年之後，竟然迅速退氣而步入敗地、死地、墓地、絕地……無聲無息地乾坤大挪移般轉移而由艮土八運接管，以往受盡西方人欺凌之東方世界，其：政治、經濟、民生……等等卻扭轉乾坤地陸續強盛起來。
至於西方最具代表性係美利堅合眾國，國運隨著「世運七過八」由此逐年衰退而最終衰到貼地乃不爭之事實，由於氣數已盡緣故、上天特地要佢哋產生一個亡黨敗國總統「牛仔布殊」，此君生在西方德薩斯，而敗於東方伊拉克，實在係「皇極大數」兌轉艮運之恆古不變定數，其人生時累朋友死後累街坊也正是運勢結束白種人「一色做總統」前之徵驗使然。
我在本月（7月）流月風水曾預測：由於本月星數均串連五方曜射，正西受正北、西北、東北、正東……煞曜而折射回去。而正北因受雙五黃臨宮及正西孖二黑釀煞，其災禍肯定自正北正西發散至其它方位：所有天災人禍，政治動亂，金融災難……等等大部分由美國引發……。
不能否定的事實證明，玄機註定咗「西風無力百物殘」，如是者，西方世界老大哥美國嘅衰氣，自去年「金融海嘯」以至年初「豬流感」……等等、好有規律咁由西向東而蔓延至整個世界。隨之而來係系統性災難傳導，「逢西必出禍事」乃當今「皇極天數」五十年不變定律，一直到香港特區回歸滿五十年制度不變期終結（所以我對擘大喉嚨叫人到失運地正西、西南買樓嗰位名風水師實在佩服得交關，嘻嘻嘻！！）。另一方面，除咗玄機之外，事實更證明咗「西方金劈東方木」更加係恆久不變之自然定律，換言之，西方世界就算點折墮法，佢哋嘅狼子野心相信幾難有得改，當中猶其以敵視中國、伺機搞顛覆破壞之卑劣行徑被奉為所謂「自由世界神聖的目標」。
照咁睇，末來日子祖國西域地區天災人禍頻密發生係符合「東風壓倒西風」自然定律，玄機既如此也無話可說。至於人為而言，泯着良心而接受西方資助之乜獨物獨，對佢哋絕不能手軟、應該用魯迅對付「落水狗」的招數和精神侍候一必須嚴懲打遏咪畀佢有翻身機會！
