吳鈞洋師傅網站 www.ngkwunyeung.com.hk
唉！最近特首因「慳電膽」事件搞到滿城風雨，頭痕至入心入肺煩過「梵蒂岡」。唔知佢府第和屋企係咪行五黃門，係嘅話、今年應該仲有排衰！
特首以餵飼錦鯉為樂事，唯獨想將佢餵蟲蟲（屍蟲）嘅人卻不少，計落左、右、中…..等等層面都有。今勻呢壇嘢或者有人想乘機搞大，但鑑於特首佢不及前朝老古董民怨沸騰，加上後臺不可同日而言還周不時有糖派令人甜到漏喉，故相信好大機會過倒骨。
之不過想從此以後太平盛世而無驚無險挨到到期「閃」，咁就幾難矣！
記得以前寫過不少文章都提及到特區運程，試節錄其中部分段落如下：
香港地理上自開埠以來都是三島分立而以中間港島作為政治管治中心，英國殖民統治結束雖然謂大勢所趨、然而填海和開發大嶼山使地理失均衡令香港政府大權旁落乃玄機注定的定數。事關作為權力體現的港島早已被九龍區吞噬而名存實亡(只名特區而無香港九龍之分)，大嶼山經過大規模開發建設後順埋成章已成為香港特區的主島，九龍區吞併了香港島而連結內陸可以保留原有青龍地位，至於澳門內陸連結珠海則升格成了香港特區地域新組合的白虎方位。(回歸後香港和澳門同屬中華人民共和國特區領土、已經沒有獨立地域之區分) ：確信今後香港特區政府任何施政都不能有效執行、舉凡政府有政策推行、民間必有反對聲音，原因在於白虎地坐大而主島被削權的風水效應延展。風水不均衡影響及、執政者往往庸碌無能、外來干擾勢力也相應壯大(猶其來自美英白虎地別有用心的滋擾行動)。如果提早結束特區自治、政經決策全權由中央主導、反而合乎：「北座權管南向、南臣面北朝聖」的風水現狀局面。若然謹遵既定遺訓維持香港特區自治五十年不變、而中央又放手不干涉政事的話、政經中心繼續保留在(港島)肯定弊多利少，眼見失卻均衡的風水，影響所及，特區政府勢必淪為(跛腳鴨)政權……。
特首喺佢疊任咗之後而識得將「特首辦」搬至原「港督府」、後來之「禮賓府」算佢唔蠢得哂，而緊接續造盡一切：搬碼頭、拆鐘樓……等等清除風水之障礙，也算佢用心良苦。但唔知係佢運滯抑或個名「天機化權」，註定任內要鬥生鬥死而險象環生。一如我上面嘅論據，地方風水已經輸蝕咗一大截，卻捉蟲入pet-pet，自造風水鬥煞麻煩而自嘗惡果。
點解釋呢？咁又要摷翻過往啲文字嚟作支持喇：九龍在尖沙嘴凸出似陽具部分「做功夫」而建造向下盤旋之商場（取名圓方），說得不中聽直情有如「姣婆獻身」而赤身裸體「對着幹」。那邊廂，香港國際金融中心（IFC）那條（是非根）金槍不倒而刻不容緩「等運到」。加上尖沙嘴經過填海工程海床收窄後，港九兩岸越發接近而急於成其好事……風水而言，地域早已「桃花局面」成格……
如是者港島和九龍之風水本來好哋哋咁成其好事疏乎緊、而成「地天泰」。誰不知九龍呢響正凸出似陽具部分突然冒出一墩更高更大「全港最高」嘅建筑物（ICC）「環球貿易廣場」，墩嘢在酉月發生過工業意外，6名清潔工人遇難（驗證六乾金酉刃出意外）。自發災難發生後，跟住殺往港島與香港國際金融中心（IFC）一較長短高下，兩條（是非根）惡鬥一番而成「嬲」字。須知道男女纏鬥擺明做世界而有益風水，換轉孤陰獨陽對打則明顯係攞命之惡鬥而必有死傷！
大家記唔記得白頭佬幾時退休架？又有冇印象深山大野人何時入醫院「開開心心」通波仔呀？加埋特首呢壇撻撻杰嘢……千祈咪話風水煞氣冇料到！世間事好多時好事未必打孖上，唯獨災禍多數一齊嚟。
唉！慨嘆：「力拔山河氣蓋世，時不利兮騅不逝，騅不逝兮可奈何，虞兮虞兮奈若何……」，話之你特首名叫「曾任權」，唯獨在「風水局限和時空定律」之下，你權力發揮唔倒嘅話、出盡八寶都冇用，連AIR都冇得畀你AIR。
