吳鈞洋師傅網站 www.ngkwunyeung.com.hk
尋日又聽聞HINI新流感肆虐嘅消息，據講蔓延速度極快、受影響嘅地域更加廣泛，甚至連畜牲都被傳染波及、仲陸續有人「有福了！」而去見耶和華，而去親嘅大多數係仔女添！唔通真箇好似粵語殘片中高魯泉所唱：「年紀輕輕死咗最精，陽間米貴陰間米平……」乎？！
打從去年年中、特別踏入今年伊始，似乎冇乜邊樣嘢令人稱心如意過（觸目驚心嘅事情反而多蘿蘿），唉！發展下去真係唔知個世界會變成點。先咪講第度喇，最切身關係嘅香港、依家係乜叉樣大家有眼睇，政府威信經已跌至谷底邊沿（還未見底）。依家冇邊個部門夠膽話自己清白，至於報紙佬則日日爆大鑊，搞到公務員人人自危，好似某個阿伯同我講；以前去公立醫院睇病，個醫生一定扮叉哂嘢、十問九唔應。依家？好似欠咗你貴利一樣、必恭必敬有問必答，差在未斟茶倒水而矣！呢啲我唔認為係好現象，反而進一步證明特區政府已經喪失管治威信而大權旁落，諗落都幾得人驚！
有讀者「醫貓」問我：「咁多濕滯嘢發生，點解冇為此寫文章作預測？」，我不敢鬧佢發雞盲（因為讀者永遠係我尊貴朋友），唯有高呼許冠傑嗰首「半斤八両」歌仔孻尾嗰句：「吹脹!!!!!!!!!!!!!」
我唯有重新整理好我過往嘅預測文章，以供尊貴朋友們過目批評。
今年〔回歸十周年〕對於曾蔭權意義十分重大，事關也是其個人連任就職（慶典）。在如此佳節逢連任之大好日子，天公竟然（冇面俾），繼上月〔特首辦〕對落之〔利源東街〕路陷之後，本月初尖沙嘴梳士巴利道路面又發生沉降事件，或許有些微偏差、惟到底由前〔禮賓府〕現〔特首辦〕呈直線跨過維多利亞港而出事，在重要日子前夕出現此不好兆頭之〔神兆機動〕，玄機顯示矛頭似乎直指〔特區政府〕……。（南坐三煞北朝天子）
兌金七運〈醫事〉在其中所佔分量不少，自2003年沙士破舊立新之後，天運改革醫事來得殘酷與頻密，唔少以前未聽聞過的流行疾病都日新月異地爆發，諗就諗到神兆機動針對金融和醫療之改革步伐會加速，但點解香港比起其他地區克應更劇烈呢？可能係青龍中國在七運尾由兌金白虎手中收回香港、運尾唔老黎之故吧。試下數手指，回歸之後、舉凡七運兌金嘅一概事物，在香港無一不衰哂！首先回歸嗰年鬧雞瘟（H5N1）而掀起咗兌金沒落之序幕。次驗投機受沖擊而股市、樓市97、98年開始暴瀉。跟住香港之聲（新馬仔）之去世又開始咗名歌星昇天歸位嘅里程碑……你都咪話唔驚青，計開：羅文、張國榮、梅艷芳、黃霑……等等，差不多一年去一個咁得人驚！隨之而來係2003年沙士……咁仲未算，真正慘絕人寰係入咗八運嘅五年後之今日，由於（乾兌金）代表性之歐美正式步入運勢淘汰大象，而醫療係最具代表性之一（當年沙士重災區：淘大，根本就大象提點：未來﹙亥子丑﹚之水三歲正是醫療部門汰舊立新日子）。呢啲就係（點解香港比起其他地區克應更劇烈呢？）之答案。 （兌金入丑墓、九運香港領風騷）
記得2003年八字：癸未、甲寅、戊申、己未，土木並旺，水洩弱金兼沖缺，五行獨欠火。然而細察其中：月日地支寅申相沖三刑出巳火，年時兩未暗合午火，地支巳午未暗出南方火。寅申相沖擦出火花必向上燃，天干甲木自然承接生旺，丙火因此無中生有。全盤：木火土均旺極，到底金水無氣，整個農曆六月份前都是火炎土燥木偏枯局面……。今年2009年八字：己丑、丙寅、庚辰、丙子，正月寒金、因自坐魁罡而弱中呈強，初春餘寒未了、因有驕陽沐浴而軟玉溫潤。地支有壯木生火而火不虛假。略嫌五行火炎焚木復焦土，妙在子辰「水局」及子丑「北方」從中中和大局而養木滋土。年柱己丑濕土因暖濕而確保生金有力，整個局面呈現「殺印相生」大格局：以己丑土為樞紐，化丙火而生庚金，用水生木、用木生火、火旺足以生土。木土若燥則用水調和。如是者，上下恊調相生有情，左右同志維系無間……。由五行觀察，03年與今年流年太歲天剋地沖，前者五行偏枯、後者地潤天和，不可以同日而言。所以我始終認為今年（豬流劫）呢單災難並唔係想象中咁大鑊……」（「豬鼠牛」，豬流感後到鼠牛？）
