香港新浪網 MySinaBlog
« 上一篇 | 下一篇 »
吳鈞洋 | 13th Sep 2010, 19:06 | 術數預測 | (686 Reads)

吳鈞洋師傅網站   www.ngkwunyeung.com.hk

    對上金虎重創白龍王、白龍江嗰篇嘅嘢仲響樓下,我又學下基督徒咁抽出一段咁多做見證,感謝主:點解有龍捲水、又點解會係吉兆呢?可以話你知……聽住囉噃!因為庚寅年,金虎騎虎背而橫衝直撞,咁沖法、自然亂哂大龍而將本地九龍之辰龍沖起而騰空交入小暑節令之後、個大象有如(大鼠、小鼠)般流竄。呢個時候白龍鬥金虎而掀起陣陣狂風暴雨,雨露屬子水、亦即係大鼠、小鼠,子水匯源成洪鋒,辰龍吞子水而而會成咗子辰水局,立秋係申月、申金當時得令天造地設而三會「申子辰」水局……咁樣會法滔天大水自然一發不可收拾……

 

    唉!認真該煨,講到明金虎騎白虎秋後得勢,就係咁、先沖白龍再沖黑龍,白龍江引發泥石流後,話口未完黑龍江又有大水災,及後仲話有客機失事添!亦係咁原因,屋漏兼逢連夜雨,逢龍得咎:飛龍變亢龍、狂龍變死蛇……緊隨着港龍……歸天?你話係咪係囉!連我哋香港之寶……「陳皮、老薑、禾稈草?梗唔係啦!行鬼開,咪驟亂歌柄!」,佢講嗰啲係廣東三寶,唔關我哋事!我哋香港之寶只有成龍大哥一個、別無水貨。唔好彩!大哥條龍今秋亦鬥唔過純金白虎而被沖到混混沌沌,冇精神去菅掂佢班龍兒、由得佢哋響不適當時候發表不適當言論,語無倫次。講咗乜、寫了乜?讀者應該清楚過我啩,哈哈!。至於有關言論迅速得到賓佬嘉許,咁搞法擺明榮升大哥上神檯,有心同佢過唔去啫……

     如果在平時無風無浪嘅日子佢登出嚟嗰番說話自然溫馨有加、博愛爆棚,但響非常時期講咁嘅嘢、直情係「發噏風」。加埋賴貓單嘢……斷估成龍冇咁戇居,十成十畀有心人利用、亦唔排除佢班智囊團捉蟲蟲。

    乜話?仲有一單賴貓捐款?!幾拾萬嗻,佢冇理由畀唔起架,我睇誤會罷!否則又要賴佢流年不利囉!

    嗰日同老而不講起呢單嘢時,你估條老餅點解釋呢?佢話:「成龍最近咪終日匿埋響上面嘅!不可不知;凡係叫親阿龍嘅朋友,今年千祈咪上去長住,嗱,有玄機架!事關胡錦濤係真龍,就算佢幾叉大方唔計較,但個天斷不容再多條龍響戍搞亂盤皇極大數。猶其今年白虎太歲沖亢龍,秋後因金強得令而沖得最交關。縱使個天唔執法(繩龍),隻太歲大蟲係咁沖也分分鐘誤中副車而沖錯第啲龍,好似班賓佬當咗馬英九係胡錦濤咁,哈哈!大哥為人勇敢做嘢博命係人都知,佢明知山有虎而偏向虎山行,講唔定大哥睇完(十月圍城)齣戲後有所感動,為咗阻擋白虎狙擊胡錦濤真龍而捨身取義、為祖國做番啲好事呢,所以咪賴響戍唔走囉!哈哈哈!」。老而不不嬲說話係咁串,真冇佢修!

    哈!講開金虎重創白龍王、白龍江」呢篇文章,有位讀者睇完之後來信「附和」我,內容係:佢響六月大暑後出世;日元屬甲木,出世嗰日咁啱係六月廿四日關帝誕,雖然天時暑熱、唯獨八字「亥子丑」會咗北方,五行的多火都唔見。通街大師都話佢條命用水喜金,但幾拾年來行燥土烈火運還可以,一行金水即刻仆街、話都冇咁快……睇完我篇文章之後,頓然領悟:萬物夏令在南方必然渴水,然而水過旺會泛濫而適得其反,反而需要強火燥土以筑提防洪 ……

     呢位讀者嘅悟性都幾高、唔似得嗰啲一味堅持八運旺西、西南嘅人一成不變!你問嗰啲人係咪盲無?我睇未必,事關好多人被誤導嗻。

    學八字睇五行、大家都知道夏木渴水係不變事實,但係水太多又會點呢?相信問好多人都會O哂咀!話你知:世間上咩都講中和,一如孔孟中庸之道。所以算命亦係先求中和為先,若偏埋一邊就肯定弊家伙算唔準!講返上面令你O咀嘅話題,話之你夏令天氣點叉炎熱,如果水會北方「亥子丑」咁就足以調和整個炎燥大局,若然四柱缺火只係燥嘅話、「亥子丑」組合響戍就一如法國大餐「多舊魚」……非但冇幫助反而釀災禍,詳細分析大家可以參考番我樓下嗰篇「白龍王、白龍江」慢慢咀嚼領悟味道架!

 

    有位老友唔知抽秤我抑或潤叉我:「你個名叫鈞洋,雖然含有扑濕汪洋嘅意思……」,未等佢噏完我差啲仆倒:「大佬呀!你依家仲嫌我唔夠煩呀?嗰頭廣州班貪官已經響度設計陷害我……你仲無限上綱大興文字獄來屈叉鵝?!如果我被班貪官害鬼死,死咗斷唔會放過你條沐咀!」,對方笑笑口:「超!你係立大功嘅特區師傅,邊叉個敢郁你?」,我唔明,對方繼續:「鈞洋喎!(千鈞一髮同(雷霆萬鈞)都有個鈞字,意思係博哂老命、鞠躬盡瘁,為乜?呵!為了水,為了催水」,問:「吹水?」,答:「NO!係催水,催促南水北調,為國為民不惜」,問:「犧牲?」,笑答:「差唔多啦!至少你個命有金生水,又雷霆萬鈞、千鈞一髮……咁。汪洋條沐咀在大陸嗰邊搞風搞雨,搞到大西北連年大水大災大地震就得,講到為國為民英勇而乜乜,佢點及你呀!嘻嘻嘻嘻!係咪?」,聽佢講完,我送咗一個充滿夢嘅手勢畀佢:「咒我!嗱!你死我都未死呀…… 沐咀!」


[25] Re: 寒心

我很認同. 現在在大陸做生意難, 出口難, 利潤微, 通脹高, 人民幣升, 食品價格高於香港, 住房"負擔"價也高於香港. 個個人抄股抄房, 到處泡沫, 經濟結構有大問題, 諸候不聽話, 特別西藏, 新彊好頭痕.

歷史從來拳頭大做老大. 200年前中國GDP佔世界40%, 但就給人任搶任殺. 現老美軍事基地遍及六大洲(除南極洲外)、四大洋,輻射全球38個國家. 基地總數716處. 賣千億武器給沙特, 賣飛杋給印度五年人家還末識用, 賣垃圾債券人家不能say no.

如果不是拳頭大, 你美元"美"的"香"的? 個個買你政府公仔紙? 人人洗腳唔抹腳, 債務都不打算還, 還可以美元AAA級? 評級機構亂評, 但個個也無佢孚!

中國一定要武裝, 除非像唐朝《推背圖》預測能擊退美日,否則的鄰國一定跟美國唆擺, 日日咬著你, 天天持續麻煩你.


[引用] | 作者 chan | 26th Sep 2010 21:43 | [舉報垃圾留言]

[24]

中國目前四面楚歌,絕不能自欺欺人地:時運看不到…看不到。嘩!你都不要說不令人驚心動魄!試看:越南、印度、菲律賓、日本、甚至東盟……. 等等受美國唆擺,係咁製事端擴大矛盾,處處和中國作梗而小事化大。國內貧富懸殊進一步深化,貧者愈貧而富者愈富的結果,新的階級矛盾已盟芽並且由內部矛盾演變成敵我鬥爭,「興資滅無」正是現階段國內社會兩極化焦點。以前所謂:諸候割據之戲言真想不到噩夢成真!在:「胡溫政令不出京城、老江訓話洗耳恭聽」現狀之下,說胡溫政權泡沫化而笈笈可危、並非危言聳聽!


[引用] | 作者 寒心 | 26th Sep 2010 14:43 | [舉報垃圾留言]

[23]

911變相令中國急速發展, 現美國唔再攪中東, 半年內先後同越南friend; 又話美日安保條約適用於釣魚台; 又同東盟講南海是公海, 共同發展..........遲的一定用印度和達賴喇嘛玩謝中國! 她拳頭大, 個個都聽佢話.

中國疲於應付, 美國就休養身息和發展


[引用] | 作者 sun | 25th Sep 2010 23:18 | [舉報垃圾留言]

[22] Re:chan

更重要中國突然放風全面禁止向日本出口“稀土”這個電腦硬碟和手機等高端電子產品的原材料.等於掐斷了作為日本支柱性電子製造產業的一條「生命線」.......
現在個世界最重要係國家又有資源又有銀両,話之你國家拳頭更大、你啲國民冇可能淨講打而唔食飯、仆嘢....,只要唔係機器製造....咁就一定有方法收你治你!


[引用] | 作者 m.cc | 25th Sep 2010 14:04 | [舉報垃圾留言]

[21]

沖繩縣那霸地方檢察院決定釋放中國漁船船長詹其雄,日本各大在野黨紛紛指摘是菅直人政府的外交失敗,炮轟是「最愚蠢的做法」,「屈從於中國壓力的行為」。

自民黨總裁谷垣禎一指出,這樣的問題要堅持原則,地檢處說考慮到日中關係,讓人無法理解;又對政府表示有關地檢單獨決定釋放,並無政府壓力的說法提出強烈質疑。前首相安倍晉三指摘:「向中國發出了錯誤的訊號,外交上極其幼稚拙劣。」自民黨政調會長石破茂指,菅直人首相和前原誠司外相都不在(訪美),政府憑甚麼作出如此的決定,需要向國民作出一個交代。


[引用] | 作者 sun | 25th Sep 2010 13:33 | [舉報垃圾留言]

[20]

最重要拳頭大. 拳頭大可以燒你博物館, 搶你文物; 又可以搶你石油, 賴你有大規模殺傷性武器; 更可以派大軍到你家門口和上空征測和示威.

外交..........未即是鬥拳頭.


[引用] | 作者 chan | 25th Sep 2010 12:56 | [舉報垃圾留言]

[19] Re: Usa is dog

對, 架仔處理手法笨拙, 有害無益, 在國民和鄰國心中肯定大失分. 相反, 亞爺處理成熟有理, 贏得國際媒體認同, 更打爆架仔大弱點.

不過深信美國陰招會陸續有來. 現黑人總統已用全力對付中國. 有排煩.


[引用] | 作者 peter | 24th Sep 2010 23:12 | [舉報垃圾留言]

[18] Re: peter

其實除了亞爺反其道 拘4日人闖河北軍事禁區 , 更重要中國突然放風全面禁止向日本出口“稀土”這個電腦硬碟和手機等高端電子產品的原材料,等於掐斷了作為日本支柱性電子製造產業的一條「生命線」,令強硬的日本不得不就範, 釋放中國船長。

架仔欺善怕惡, 有背後美國狗支持就亂吠. 所有屎都是美國狗攪的.


[引用] | 作者 Usa is dog | 24th Sep 2010 22:28 | [舉報垃圾留言]

[17] Re :庚金人

西安?普通係咪讀「屎眼」呀?飛龍在天咪即係將個八月十五朝天囉!吉兆就冇啦,拮兆可能有之唔定!


[引用] | 作者 軍機處 | 24th Sep 2010 12:37 | [舉報垃圾留言]

[16]

架仔慣左旁門左道撩交圢. 今次亞爺反其道 - 4日人闖河北軍事禁區 被拘. emotion


[引用] | 作者 peter | 24th Sep 2010 12:14 | [舉報垃圾留言]

Next