早前美國總統「阿爸阿媽」訪華，國內「特異功能高人」有心安排佢先到中國青龍地上海淨身洗白白以辟除白虎異味，然後至飛北京。（網友、千祈咪誤會咗「淨身」係嗰個XY意思，嗱！謹此信譽保證美國總統身體完整無缺）。同時響「阿爸阿媽」出發前不久，國內更高調咁宣佈米奇老鼠入中華、上海正式扑搥興建迪士尼樂園。消息宣佈之後，國內人好似執倒寶咁開心，特別係上海，股市和樓市……一早已被偷步炒起。我由於唔睇好呢單合作，但又費叉事衰多口，所以側側膊咋諦唔知有此事。

      本來就咁算數，誰知我呢邊封口、卻輪到佢衰多口，邊個衰多口呀？咪「阿爸阿媽」佢囉！好哋哋架，卻發姣發躉話上海人乜鬼「燶好！」，結果真係股暴跌、斷估樓市亦唔挨得幾耐。咁仲未算邪！更有架麥道（MD－11）貨機昨天（28）日早晨在上海浦東機場起飛時，懷疑機尾碰到地面，導致墜機並起火爆炸，機上三名美籍機師死亡……嘩！一語成讖唔慌唔燶好囉！咁嘅情形，我好難再緘默矣！須知道玄學有種時空預測法叫「神兆機動」，每當有大事進行而湊巧又有偉人發表偉論，咁嘅話「神兆機動」一定成立，好似今勻美國總統金口一開、有意無意咒上海「燶好！」，我認定日後舉凡有美國項目入上海，十居其九衰收尾！

    記得早幾年為「香港迪士尼樂園」開幕贈興寫過一篇文章，講講下，興起上嚟摷番刋登上Blog供網友欣賞，謹此也向網友問候一句：「燶……」，啊！差啲又衰臭口，係「您好！」至啱。

    我屋企樓下有位阿伯，佢老人家鄉音既未除又讀唔準「奧巴馬」三個字發音，成日怪聲怪氣「阿爸阿媽」咁叫佢，有時行街不期然諗起也不禁打從心底裡笑出來。……

    唉！最近特首因「慳電膽」事件搞到滿城風雨，頭痕至入心入肺煩過「梵蒂岡」。唔知佢府第和屋企係咪行五黃門，係嘅話、今年應該仲有排衰！

    特首以餵飼錦鯉為樂事，唯獨想將佢餵蟲蟲（屍蟲）嘅人卻不少，計落左、右、中…..等等層面都有。今勻呢壇嘢或者有人想乘機搞大，但鑑於特首佢不及前朝老古董民怨沸騰，加上後臺不可同日而言還周不時有糖派令人甜到漏喉，故相信好大機會過倒骨。

     之不過想從此以後太平盛世而無驚無險挨到到期「閃」，咁就幾難矣！

    記得以前寫過不少文章都提及到特區運程，試節錄其中部分段落如下：

    記得2003年（癸未）響「新玄機雜誌」寫過一篇題為：「月滿有感話圓形」文章，值此「國慶六十周年」和「中秋節」雙囍臨門日子，有意再次刋登以應時當令歡渡佳節也！

    以下層次逐剝剖析概括：

    成奎安「大傻」也因癌病辭世而魂歸道山，膾炙人口之一代奸角從此星殞紅塵，此實屬社會之損失，謹此誠心祈願佢得到安息而早登極樂。

     大傻其外形係「惡死與低B」混合體、具備獨樹一格嘅演戲天份，加上入木三分之演技，多年來為廣大市民帶來喜怒哀樂……等等怡情消閑和娛樂享受而深入民心，引述傳媒評論：長相與眾不同的成奎安，其實心地善良、講義氣，為朋友兩肋插刀。他喜歡賽車，卻一再告訴車友：「開車不要亂丟垃圾與菸蒂，否則容易讓後面的車發生車禍。」罹癌前他女友不少，但很疼曾共患難的前妻……

     在悼念「大傻」成奎安之際，自然聯想到「奎星」，此星係天上28宿之一，後世把「奎星」演化成天上文官之首，為主宰文運與文章興衰之神。歷代帝皇都將孔夫子比作「奎星」，後又把「奎」改寫為「魁」。自古以來，國人均視：「奎星」、「魁星」、「文曲星」為一體化。

    講到國慶斷唔能夠撇開毛澤東唔講，作為世界上人口第一多大國嘅開國元勳來說，以佢個人之霸氣和煞氣，斷估曠古絕今冇乜邊幾個同佢有得揮。佢在生時殺盡「壞分子」令人神聞風喪膽，死後聞說因鎮懾得住酆都而登上「鬼皇」寶座令眾鬼俯首稱臣。

    懷着雀躍之心情迎接甲子國慶來臨之際，自然而然會諗起開國元勳們過往偉大之事蹟、腦海中也熱氣沸騰地對他們肅然起敬，當中猶其回味着毛澤東膾炙人口嘅豐功偉績，諗諗下……忽然間泛起一絲無厘頭念頭：「應該點稱呼毛澤東先至啱？」，如果稱佢做中國國父吧，或者佢威啲、唯獨和孫中山先生比較似乎有先後之分而顯得混淆不清。不如尊佢為黨父吧，之前卻有創立人在先、硬套用上去未必講得服班歷史學家。至於跟隨國內人稱呼佢做毛主席掂啦啩！唔……好就好嘞！但叫起上嚟總覺得有啲瑕疵，事關乜叉社團嘅阿頭都可以稱作主席，就連貴利公司嘅持牌人也叫主席，至於我屋企立案法團嗰個主席更加係姓毛嘅添！

    呢啲就係世間事未必盡如人意嘞！閑話表過而言入正題，我呢個人好鬼得意，只要諗起、講起某個人，而對呢個人產生好感又落足感情嘅話，不自覺間就會打個冷顫而急尿、仲有係模模糊糊好似有啲嘢上咗身……好多時因此而「捉到機」，呢種經驗屢不爽而有時仲好得人驚添！

一早已經有人問我，似今次500年才一遇最長時間紀錄嘅日蝕奇景，其玄機對於世界來說、究竟係吉抑或凶？

    依我嘅睇法係：平民百姓無咎、惟帝皇將相肯定多事。

    呢日大清早剛梳洗完畢，即收到偉哥（紫微梁）來電善意忠告：「喂！日蝕8點零開始，以你本月加上今日個太陽坐正響午垣重疊祿科權會齊而光到離譜，響電視睇下日蝕以驗化忌對你嚟講係百利而無一害！」，人一世物一世，咁難得嘅奇觀，唔使偉哥佢提點我都會睇個清楚啦！不過我都好生感激佢嘅熱心熱腸。講開又講，我斗數個太陽真係duck正響午垣而烈日中天，老實話，化忌或多煞星會中和多少而使之冇咁光、的確係好事。不過話又得說回頭，嗰啲命中守陷宮嘅太陽又點計數呢？斷估唔會人人有難啩！諗諗下箇中玄機、自己也不禁好笑起上嚟。……

    點解話兌轉艮運有莫大嘅殺傷力呢？解釋係：「土厚埋金」，即如閣下不嬲用開把「屠龍刀」去做世界，家陣要你學金毛獅王般「封刀出家」、你話會點？！明眼見到「西風無力百物殘」的子已經開始咗好幾年，過往一切由西方世界「乾兌金」主事：娛樂、歌唱、投機、山、醫、卜、星、相……等等，在興旺過四十年之後，竟然迅速退氣而步入敗地、死地、墓地、絕地……無聲無息地乾坤大挪移般轉移而由艮土八運接管，以往受盡西方人欺凌之東方世界，其：政治、經濟、民生……等等卻扭轉乾坤地陸續強盛起來。